عدنان سمیع بیٹی کی شہریت کے سوال پر بوکھلا گئے
بیٹی کی شہریت پر پہلے عدنان سمیع بوکھلا سے گئے اور پھر کہا کہ بیٹی کہیں بھی پیدا ہو بھارتی ہی کہلائے گی
اہلیہ بیٹی کے ہمراہ بھارت واپس آئیں گی تو بیٹی کی شہریت کے لیے کاغذی کارروائی کریں گے، گلوکار۔ فوٹو: فائل
پاکستان کو چھوڑ کر بھارتی شہریت حاصل کرنے والے عدنان سمیع بھارت سے اپنی وفاداری ثابت کرنے کا کوئی موقع ہاتھ سے جانے نہیں دیتے لیکن جب ان سے ان کی جرمنی میں پیدا ہونے والی بیٹی کی شہریت کے حوالے سے پوچھا گیا تو وہ بوکھلا گئے۔
بھارتی میڈیا رپورٹس کے مطابق کئی برسوں سے بھارت میں مقیم اورگلوکارعدنان سمیع گزشتہ ہفتے بیٹی کے باپ بنے لیکن جب ایک انٹرویو کے دوران ان کی بیٹی کی جرمنی میں پیدائش کے بعد اس کی شہریت کے حوالے سے پوچھا گیا تو پہلے تووہ بوکھلا سے گئے تاہم پھرانہوں نے کہا کہ اگران کی بیٹی کی پیدائش جرمنی میں ہوئی ہے تو اس سے کیا فرق پڑتا ہے، وہ کہیں بھی پیدا ہوئی ہو بھارتی ہی کہلائے گی۔
اس خبرکوبھی پڑھیں: عدنان سمیع بیٹی کے باپ بن گئے
گلوکار نے کہا کہ کچھ عرصے بعد جب ان کی اہلیہ رویا بیٹی کے ہمراہ بھارت واپس آئیں گی تو بیٹی کی شہریت کے لیے کاغذی کارروائی کریں گے۔ ان کا کہنا تھا کہ ممبئی میرا گھر ہے، بیٹی کی پیدائش جرمنی میں اس لیے ہوئی کہ اہلیہ کا خاندان وہیں مقیم ہے اورگلوکاری کے باعث میرے دیگر ممالک کے دوروں کے باعث سسرال والے اہلیہ کی دیکھ بھال کر رہے تھے۔
اس خبر کو بھی پڑھیں؛ بھارت نے عدنان سمیع کو شہریت دے دی
گلوکارسے جب بیٹی کا نام میدینہ رکھنے کے حوالے سے پوچھا گیا تو ان کا کہنا تھا کہ شہرمدینہ کی مناسبت سے انہوں نے اپنی بیٹی کا نام رکھا جہاں آخری نبی رسولﷺ نے قیام کیا تھا، آج بھی مدینہ محبت، امن اور مہمان نوازی سے متعلق جانا جاتا ہے جہاں سب سے خوبصورت اورروحانیت سے بھرپور اذان بھی دی جاتی ہے اسی لیے مجھے مناسب لگا کہ میں اپنی بیٹی کا نام میدینہ رکھوں۔
بھارتی میڈیا رپورٹس کے مطابق کئی برسوں سے بھارت میں مقیم اورگلوکارعدنان سمیع گزشتہ ہفتے بیٹی کے باپ بنے لیکن جب ایک انٹرویو کے دوران ان کی بیٹی کی جرمنی میں پیدائش کے بعد اس کی شہریت کے حوالے سے پوچھا گیا تو پہلے تووہ بوکھلا سے گئے تاہم پھرانہوں نے کہا کہ اگران کی بیٹی کی پیدائش جرمنی میں ہوئی ہے تو اس سے کیا فرق پڑتا ہے، وہ کہیں بھی پیدا ہوئی ہو بھارتی ہی کہلائے گی۔
اس خبرکوبھی پڑھیں: عدنان سمیع بیٹی کے باپ بن گئے
گلوکار نے کہا کہ کچھ عرصے بعد جب ان کی اہلیہ رویا بیٹی کے ہمراہ بھارت واپس آئیں گی تو بیٹی کی شہریت کے لیے کاغذی کارروائی کریں گے۔ ان کا کہنا تھا کہ ممبئی میرا گھر ہے، بیٹی کی پیدائش جرمنی میں اس لیے ہوئی کہ اہلیہ کا خاندان وہیں مقیم ہے اورگلوکاری کے باعث میرے دیگر ممالک کے دوروں کے باعث سسرال والے اہلیہ کی دیکھ بھال کر رہے تھے۔
اس خبر کو بھی پڑھیں؛ بھارت نے عدنان سمیع کو شہریت دے دی
گلوکارسے جب بیٹی کا نام میدینہ رکھنے کے حوالے سے پوچھا گیا تو ان کا کہنا تھا کہ شہرمدینہ کی مناسبت سے انہوں نے اپنی بیٹی کا نام رکھا جہاں آخری نبی رسولﷺ نے قیام کیا تھا، آج بھی مدینہ محبت، امن اور مہمان نوازی سے متعلق جانا جاتا ہے جہاں سب سے خوبصورت اورروحانیت سے بھرپور اذان بھی دی جاتی ہے اسی لیے مجھے مناسب لگا کہ میں اپنی بیٹی کا نام میدینہ رکھوں۔