کراچی کے مسائل سے لاتعلق سندھ حکومت تشدد پراتر آئی ہے چوہدری نثار

وفاقی وزیرداخلہ چوہدری نثار علی خان نے پاک سرزمین پارٹی کے سربراہ مصطفیٰ کمال کی گرفتاری کی شدید مذمت کرتے ہوئے کہا ہے کہ کراچی کے مسائل سے لاتعلق سندھ حکومت پرامن مظاہرین پر تشدد پر اترآئی ہے۔


ایکسپریس نیوز کے مطابق وفاقی وزیرداخلہ نے پاک سرزمین پارٹی کے ملین مارچ پر پولیس کے تشدد اور مصطفیٰ کمال سمیت دیگر رہنماؤں کی گرفتاری کی مذمت کرتے ہوئے کہا ہے کہ کراچی کے مسائل سے لاتعلق صوبائی حکومت کراچی کے عوام کے لئے حقوق مانگنے والوں پر تشدد پر اتر آئی ہے، ایک خالصتاً پرامن سیاسی اجتماع پر اس قسم کا شدید ردعمل سمجھ سے بالاتر ہے۔

وفاقی وزیرداخلہ کا کہنا تھا کہ پاک سرزمین پارٹی کے پرامن مظاہرین پر تشدد کیا گیا جب کہ پاکستان کا آئین اور قانون پرامن احتجاج اور مسائل کے حل کے لئے ہرقسم کے سیاسی اجتماع کی مکمل اجازت دیتا ہے۔