انگلش حکام نے ایک اور بڑے حملے کا خدشہ ظاہر کر دیا سیکیورٹی سخت

مانچسٹر دھماکے کے بعد انگلینڈ میں تمام اسپورٹس ایونٹس کی سیکیورٹی میں بے پناہ اضافہ کردیا گیا۔


حکام کی جانب سے ایک اور بڑے حملے کا خدشہ بھی ظاہر کیا جا رہا ہے، ہفتے کو ایف اے کپ فٹبال فائنل کے موقع پر بھی سیکیورٹی انتظامات انتہائی سخت تھے، گلاسگو میں اسکاٹش کپ فائنل، ٹویکنہام میں انگلش پریمیئر شپ رگبی فائنل اور ساؤتھمٹن میں انگلینڈ اور جنوبی افریقہ کے درمیان کرکٹ میچ کے موقع پر بھی کڑی نگرانی کی گئی۔ اسی طرح چیلسی نے پریمیئر لیگ میں فتح کا جشن منانے کیلیے لندن میں اتوار کو شیڈول پریڈ بھی منسوخ کردی جبکہ فائنل میں شکست سے دوچار ہونے والی ٹیم آرسنل کی انتظامیہ نے کہاکہ اگر وہ بھی جیتتے تو پریڈ نہ کرتے۔