لالی ووڈ انڈسٹری کے مخالفین کو ناکام بناکر رہیں گے سید نور

نامور ہدایتکار سید نور نے کہا ہے کہ پاکستان فلم انڈسٹری کبھی ختم نہیں ہو سکتی، ہم بقا کی جنگ لڑ رہے ہیں۔

ایک انٹرویو میں انھوں نے کہا کہ ہم فلم انڈسٹری کی بقا کی جنگ لڑرہے ہیں اور اس میں ضرور کامیاب ہوں گے، ہم مایوس نہیں ہیں۔


ایک سوال کے جواب میں سید نور نے کہا کہ پاکستانی کی اچھی اور معیاری فلم کو بھی کامیابی کے باوجود سنیما سے اتاردی جاتی ہیں، پاکستانی فلموں میں سرمایہ کاری اس لیے نہیں ہورہی کہ انھیں مالی طور سے نقصان ہورہا ہے اگر پاکستانی فلمیں سنیماں پر چلیں گی تو وہ ضرور بزنس کریں گی اور فلموں میں لوگ سرمایہ کاری کریں گے۔