’’ٹیوب لائٹ‘‘ سے سینما مالکان اور ڈسٹری بیوٹرز دیوالیہ ہوگئے
دنگل اور باہو بلی 2 کی ریلیز سے جو منافع حاصل کیا تھا وہ سب ڈوب گیا ، فلم ڈسٹری بیوٹرز
فلم ’’ٹیوب لائٹ‘‘شائقین اور ڈسٹری بیوٹرز کی امیدوں پر پورا اترنے میں ناکام ہوگئی؛فوٹوفائل
بالی ووڈ کے سلطان سلمان خان کی فلم ''ٹیوب لائٹ'' کی ناکامی نے فلم ڈسٹری بیوٹرز اور سینیما مالکان کو بھاری نقصان سے دوچار کرواکر رونے پر مجبور کردیا۔
بالی ووڈ کے دبنگ اداکار سلمان خان ہر سال عید کے موقع پر اپنی فلم نمائش کے لیے پیش کرتے ہیں، سلمان کی فلم ریلیز ہوتے ہی کھڑکی توڑ بزنس کرتی ہے اور سال کی سب سے زیادہ آمدنی والی فلموں کی فہرست میں شامل ہوجاتی ہے گزشتہ کئی برسوں سے ان کی فلمیں 100 کروڑ سے زائد کا بزنس کرکے کئی ریکارڈز اپنے نام کررہی ہیں لیکن اس بار سلمان شائقین اور ڈسٹری بیوٹرز کی امیدوں پر پورا اترنے میں ناکام ہوگئے۔
اس خبرکوبھی پڑھیں: سلمان خان کی ''ٹیوب لائٹ'' فیوز ہوگئی
ہدایت کار کبیر خان کی ''فلم ٹیوب لائٹ'' بھارت سمیت دنیا بھر میں ریلیز کی گئی تاہم فلم، شائقین اور ڈسٹری بیوٹرز کی توقعات پر پوری نہ اتر سکی ، ریلیز سے قبل امید کی جارہی تھی کہ سلمان کی یہ فلم بھی پچھلی فلموں کی طرح ریکارڈ بزنس کرے گی لیکن ایسا نہ ہوسکا اور فلم کو 100 کروڑ کا بزنس کرنے میں بھی ایک ہفتے کا وقت لگ گیا، اداکار سلمان خان نے تو فلم کی ناکامی کا کوئی اثر نہیں لیا لیکن فلم ڈسٹری بیوٹرز کو بھاری نقصان اٹھانا پڑا۔ بھارتی ریاست اتر پردیش کے شہر فیروز آباد کےدو سنیماؤں کے ڈسٹری بیوٹرز کا کہنا ہے کہ انہیں منافع کی بجائے تقریباً 9 کروڑ 11 لاکھ روپے کا نقصان ہوا ہے، اسی طرح دیگر سینما مالکان کی جانب سے بھی بھاری نقصانات کی اطلاعات موصول ہورہی ہیں۔
اس خبرکوبھی پڑھیں: ''ٹیوب لائٹ'' کی ہیروئن فلم کی ناکامی پر سلمان سے روٹھ گئی
بھارتی میڈیا کے مطابق فلم کی ریلیز سے ہونے والے نقصان نے سنیما مالکان اور فلم ڈسٹری بیوٹرز کو سمجھ نہیں آرہا کہ وہ اپنا نقصان کیسے پورا کریں،ان کا کہنا ہے کہ انہوں نے ''دنگل'' اور ''باہو بلی 2'' کی ریلیز سے جو منافع حاصل کیا تھا وہ سب ڈوب گیا لہٰذا وہ ممبئی جاکر سلمان خان سے ملاقات کریں گے اور اپنے نقصان کو پورا کرنے کیلئے پیسوں کا مطالبہ کریں گے، تاہم سلمان خان کی جانب سے اس بات کی تصدیق نہیں ہوسکی کہ وہ فلم ڈسٹری بیوٹرز سے ملاقات کرنے کا ارادہ رکھتے ہیں یا نہیں۔
واضح رہے کہ سلمان خان اور ہدایت کار کبیر خان کی ایک ساتھ یہ تیسری فلم تھی اس سے قبل دونوں ''ایک تھا ٹائیگر'' اور ''بجرنگی بھائی جان'' میں کام کرچکے ہیں ان دونوں فلموں نے باکس آفس پر ریکارڈ بزنس کیا تھا اسلیے شائقین امید لگائے بیٹھے تھے کہ دونوں کی جوڑی اس بار بھی کمال کرے گی لیکن سلمان لوگوں کی توقعات پر پورا اترنے میں ناکام رہے۔
بالی ووڈ کے دبنگ اداکار سلمان خان ہر سال عید کے موقع پر اپنی فلم نمائش کے لیے پیش کرتے ہیں، سلمان کی فلم ریلیز ہوتے ہی کھڑکی توڑ بزنس کرتی ہے اور سال کی سب سے زیادہ آمدنی والی فلموں کی فہرست میں شامل ہوجاتی ہے گزشتہ کئی برسوں سے ان کی فلمیں 100 کروڑ سے زائد کا بزنس کرکے کئی ریکارڈز اپنے نام کررہی ہیں لیکن اس بار سلمان شائقین اور ڈسٹری بیوٹرز کی امیدوں پر پورا اترنے میں ناکام ہوگئے۔
اس خبرکوبھی پڑھیں: سلمان خان کی ''ٹیوب لائٹ'' فیوز ہوگئی
ہدایت کار کبیر خان کی ''فلم ٹیوب لائٹ'' بھارت سمیت دنیا بھر میں ریلیز کی گئی تاہم فلم، شائقین اور ڈسٹری بیوٹرز کی توقعات پر پوری نہ اتر سکی ، ریلیز سے قبل امید کی جارہی تھی کہ سلمان کی یہ فلم بھی پچھلی فلموں کی طرح ریکارڈ بزنس کرے گی لیکن ایسا نہ ہوسکا اور فلم کو 100 کروڑ کا بزنس کرنے میں بھی ایک ہفتے کا وقت لگ گیا، اداکار سلمان خان نے تو فلم کی ناکامی کا کوئی اثر نہیں لیا لیکن فلم ڈسٹری بیوٹرز کو بھاری نقصان اٹھانا پڑا۔ بھارتی ریاست اتر پردیش کے شہر فیروز آباد کےدو سنیماؤں کے ڈسٹری بیوٹرز کا کہنا ہے کہ انہیں منافع کی بجائے تقریباً 9 کروڑ 11 لاکھ روپے کا نقصان ہوا ہے، اسی طرح دیگر سینما مالکان کی جانب سے بھی بھاری نقصانات کی اطلاعات موصول ہورہی ہیں۔
اس خبرکوبھی پڑھیں: ''ٹیوب لائٹ'' کی ہیروئن فلم کی ناکامی پر سلمان سے روٹھ گئی
بھارتی میڈیا کے مطابق فلم کی ریلیز سے ہونے والے نقصان نے سنیما مالکان اور فلم ڈسٹری بیوٹرز کو سمجھ نہیں آرہا کہ وہ اپنا نقصان کیسے پورا کریں،ان کا کہنا ہے کہ انہوں نے ''دنگل'' اور ''باہو بلی 2'' کی ریلیز سے جو منافع حاصل کیا تھا وہ سب ڈوب گیا لہٰذا وہ ممبئی جاکر سلمان خان سے ملاقات کریں گے اور اپنے نقصان کو پورا کرنے کیلئے پیسوں کا مطالبہ کریں گے، تاہم سلمان خان کی جانب سے اس بات کی تصدیق نہیں ہوسکی کہ وہ فلم ڈسٹری بیوٹرز سے ملاقات کرنے کا ارادہ رکھتے ہیں یا نہیں۔
واضح رہے کہ سلمان خان اور ہدایت کار کبیر خان کی ایک ساتھ یہ تیسری فلم تھی اس سے قبل دونوں ''ایک تھا ٹائیگر'' اور ''بجرنگی بھائی جان'' میں کام کرچکے ہیں ان دونوں فلموں نے باکس آفس پر ریکارڈ بزنس کیا تھا اسلیے شائقین امید لگائے بیٹھے تھے کہ دونوں کی جوڑی اس بار بھی کمال کرے گی لیکن سلمان لوگوں کی توقعات پر پورا اترنے میں ناکام رہے۔