آئی سی سی الیٹ امپائرز پینل کا اعلان علیم ڈار بھی برقرار

انٹرنیشنل کرکٹ کونسل نے 2017-18 سیزن کیلیے الیٹ امپائرز پینل کا اعلان کردیا ہے، جس میں پاکستان کے علیم ڈار بدستور موجود ہیں۔

آئی سی سی نے سالانہ ریویو کے بعد نہ صرف الیٹ امپائرز پینل میں کوئی ردوبدل نہیں کیا بلکہ میچ ریفریز پینل کو بھی برقرار رکھا ہے۔


الیٹ امپائرز میں علیم ڈار کے ساتھ کماردھرما سینا، سندرم روی، ماریس ایراسمس، کرس گفینی، ای ین گولڈ، رچرڈ النگورتھ، رچرڈ کیٹل برو، نائجل لونگ، بروس آکسنفورڈ، پال ریفل اور روڈ ٹکر موجود ہیں۔ آنے والے سیزن میں جو 7 میچ ریفریز ذمہ داری انجام دیں گے ان میں ڈیوڈ بون، کرس براڈ، جیف کرو، رنجن مدوگالے، اینڈی پیکرافٹ، جیگوال سری ناتھ اور رچی رچرڈسن شامل ہیں۔