مسلح افواج ملک کو درپیش ہرخطرے سے نمٹنے کی صلاحیت رکھتی ہیں وزیراعظم

وزیراعظم نواز شریف کا کہنا ہے کہ مسلح افواج وطن عزیز کو درپیش کسی بھی خطرے سے نمٹنے کی صلاحیت رکھتی ہیں۔

ایکسپریس نیوز کے مطابق وزیراعظم نوازشریف سے پاک فضائیہ کے سربراہ ایئر چیف مارشل سہیل امان نے ملاقات کی اور پاک فضائیہ کی آپریشنل تیاریوں اور تربیتی امور سے آگاہ کیا جب کہ اس موقع پر وزیر خزانہ اسحاق ڈار اور مشیرخارجہ امور سرتاج عزیز بھی موجود تھے۔


اس خبر کو بھی پڑھیں : پاک فضائیہ خطے میں طاقت کا توازن برقراررکھے ہوئے ہے

پاک فضائیہ کے سربراہ سے ملاقات کے دوران وزیراعظم نواز شریف نے پاک فضائیہ کی پیشہ ورانہ اہلیت کی تعریف کی اور کہا کہ ہماری مسلح افواج وطن عزیز کو درپیش کسی بھی خطرے سے نمٹنے کی صلاحیت رکھتی ہیں، ملاقات میں پاک فضائیہ کی مستقبل کی ترقیاتی حکمت عملی پر بھی تبادلہ خیال کیا گیا۔