عالمی فٹبال اسٹارز لاہور میں جگمگانے کیلیے تیار
برازیلین اسٹارز رونالڈینہو، روبرٹواور دیگر9جولائی کوفورٹریس اسٹیڈیم میں کھیلیں گے
برازیلین اسٹارز رونالڈینہو، روبرٹواور دیگر9جولائی کوفورٹریس اسٹیڈیم میں کھیلیں گے فوٹو: فائل
ISLAMABAD:
فٹبال کے عالمی ستارے 9 جولائی کو لاہور میں جگمگائیں گے، برازیلین فٹبال اسٹار رونالڈینہو، روبرٹو کارلوس اور دیگر سابق انٹرنیشنل فٹبالرز فورٹریس اسٹیڈیم میں ایکشن میں دکھائی دیں گے۔
صوبائی دارالحکومت میں دنیائے فٹبال کے اتنے بڑے اسٹارز پرمشتمل میچ تاریخ میں پہلی بار کھیلا جائیگا، برازیلین فٹبالر رونالڈینہو کے ہمراہ برازیل کی 2002 میں ورلڈ کپ جیتنے والی ٹیم کے رابرٹو کارلوس، رابرٹ پائرز ، فرانسس نیکولس اینلکا ،پرتگال کے لوئیس بوا مورٹے، ہالینڈ کے جیورج بوتنگ، انگلینڈ کے ڈیوڈ جیمز اور مانچسٹر یونائیٹڈ کے کھلاڑی ریان جوگزبھی لاہور آئیں گے، 2 میچزکی فٹبال سیریزکا پہلا میچ ہفتہ 8 جولائی کو کراچی اوردوسرا اتوار 9 جولائی کولاہور میں ہوگا، انتظامیہ کے مطابق سیریز سے نہ صرف ملک میں فٹبال کو فروغ حاصل ہوگا بلکہ دنیا میں بھی پاکستان کا امیج بہتر ہوگا ، ان کا کہنا تھا کہ غیر ملکی کھلاڑیوں کے دورۂ پاکستان سے ملک میں فٹبال کے کھیل کو بہت فائدہ ہوگا۔
کوئی بھی یقین کرنے کو تیار نہیں تھا کہ فٹبال کے اتنے بڑے کھلاڑی پاکستان آسکتے ہیں لیکن اگلے ہفتے ایسا ہوگا اور ملک میں کرکٹ کی طرح فٹبال بھی مقبولیت حاصل کرے گا، انھوں نے کہاکہ کراچی کے مقابلے میں لاہور میں فٹبال زیادہ کھیلی جاتی ہے، لاہور کھیلوں کا گڑھ ہے اور امید ہے کہ اس میچ کو دیکھنے کیلیے تماشائیوں کی بڑی تعداد اسٹیڈیم آئیگی، دونوں ٹیمیں ملکی اورغیرملکی کھلاڑیوں پر مشتمل ہوں گی، ملکی کھلاڑیوں کیلیے یہ بہت یادگار لمحات ہوں گے اورانھیں غیر ملکی کھلاڑیوں سے کافی سیکھنے کا موقع ملے گا، صدر ماڈل ٹائون فٹبال اکیڈمی میاں رضوان نے بتایا کہ رونالڈینہو فٹبال اکیڈمی کا بھی افتتاح کریں گے۔
فٹبال کے عالمی ستارے 9 جولائی کو لاہور میں جگمگائیں گے، برازیلین فٹبال اسٹار رونالڈینہو، روبرٹو کارلوس اور دیگر سابق انٹرنیشنل فٹبالرز فورٹریس اسٹیڈیم میں ایکشن میں دکھائی دیں گے۔
صوبائی دارالحکومت میں دنیائے فٹبال کے اتنے بڑے اسٹارز پرمشتمل میچ تاریخ میں پہلی بار کھیلا جائیگا، برازیلین فٹبالر رونالڈینہو کے ہمراہ برازیل کی 2002 میں ورلڈ کپ جیتنے والی ٹیم کے رابرٹو کارلوس، رابرٹ پائرز ، فرانسس نیکولس اینلکا ،پرتگال کے لوئیس بوا مورٹے، ہالینڈ کے جیورج بوتنگ، انگلینڈ کے ڈیوڈ جیمز اور مانچسٹر یونائیٹڈ کے کھلاڑی ریان جوگزبھی لاہور آئیں گے، 2 میچزکی فٹبال سیریزکا پہلا میچ ہفتہ 8 جولائی کو کراچی اوردوسرا اتوار 9 جولائی کولاہور میں ہوگا، انتظامیہ کے مطابق سیریز سے نہ صرف ملک میں فٹبال کو فروغ حاصل ہوگا بلکہ دنیا میں بھی پاکستان کا امیج بہتر ہوگا ، ان کا کہنا تھا کہ غیر ملکی کھلاڑیوں کے دورۂ پاکستان سے ملک میں فٹبال کے کھیل کو بہت فائدہ ہوگا۔
کوئی بھی یقین کرنے کو تیار نہیں تھا کہ فٹبال کے اتنے بڑے کھلاڑی پاکستان آسکتے ہیں لیکن اگلے ہفتے ایسا ہوگا اور ملک میں کرکٹ کی طرح فٹبال بھی مقبولیت حاصل کرے گا، انھوں نے کہاکہ کراچی کے مقابلے میں لاہور میں فٹبال زیادہ کھیلی جاتی ہے، لاہور کھیلوں کا گڑھ ہے اور امید ہے کہ اس میچ کو دیکھنے کیلیے تماشائیوں کی بڑی تعداد اسٹیڈیم آئیگی، دونوں ٹیمیں ملکی اورغیرملکی کھلاڑیوں پر مشتمل ہوں گی، ملکی کھلاڑیوں کیلیے یہ بہت یادگار لمحات ہوں گے اورانھیں غیر ملکی کھلاڑیوں سے کافی سیکھنے کا موقع ملے گا، صدر ماڈل ٹائون فٹبال اکیڈمی میاں رضوان نے بتایا کہ رونالڈینہو فٹبال اکیڈمی کا بھی افتتاح کریں گے۔