دہشت گردی کےخلاف پولیس کو متحرک کردار ادا کرنا ہو گا وزیراعظم

وزیراعظم راجا پرویز اشرف کا کہنا ہے کہ دہشت گردی کےخلاف پولیس کو متحرک کردار ادا کرنا ہو گا۔


نیشنل پولیس اکیڈمی اسلام آباد میں 34 اے ایس پی افسران کی پاسنگ آؤٹ پریڈ کی تقریب سے خطاب کرتے ہوئے وزیراعظم راجا پرویز اشرف کا کہنا تھا کہ دہشت گردی نے تمام طبقات کو متاثر کیا ہے، شواہد کی عدم دستیابی پر ملزم عدالتوں سے چھوٹ جاتے ہیں، ان کا کہنا تھا کہ دہشت گردی کےخلاف مربوط حکمت عملی پر عمل کرنا ہو گا۔

وزیراعظم نے کہا کہ پولیس کا اولین فرض عوام کے تحفظ کو یقینی بنانا ہے ہمیں تفتیش کے جدید طرزپر مبنی طریقہ کار کو اپنا نا ہوگا، انہوں نے کہا کہ امید ہے افسران تھانہ کلچر کو بہتر کریں گے۔