شاستری نے گنگولی سے دشمنی ’ دفن ‘ کردی

بھارت کے نئے کوچ روی شاستری نے ساروگنگولی سے دشمنی کو 'دفن' کردیا۔

روی شاستری اور ساروگنگولی کے درمیان گزشتہ برس اس وقت تنازع پیدا ہوا تھا جب انیل کمبلے کو ہیڈ کوچ بنایا گیا تھا جس پر شاستری نے اپنے نظر انداز کیے جانے کی وجہ سے بی سی سی آئی کی ایڈوائزری کمیٹی میں شامل گنگولی کو قرار دیا تھا کہ وہ انٹرویو لینے والی کمیٹی میں شامل ہی نہیں ہوئے تھے، جس پر دونوں میں عوامی سطح پر ایک دوسرے پر الزامات عائد کیے گئے تھے تاہم اب اسی کمیٹی نے شاستری کو کپتان ویرات کوہلی کی خواہش پر کوچ بنادیا جس سے ان کا غصہ اب ٹھنڈا ہوچکا۔


اس خبرکو بھی پڑھیں :روی شاستری، راہول ڈریوڈ اور ظہیر خان بھارتی کوچنگ اسٹاف میں شامل

روی شاستری کہتے ہیں کہ ہم دونوں ہی سابق کپتان ہیں، ہم دونوں ہی ایک دوسرے کی عزت کرتے ہیں، ہمیں اب آگے بڑھنے کی ضرورت ہے، ادھر گنگولی نے واضح کیا کہ ان پر شاستری کی مخالفت کا الزام درست نہیں ہے۔