کراچی ڈیفنس میں نامعلوم افراد کا نادرا کے دفتر پردھاوااور عملے پرتشدد

ایس ایس پی کلفٹن ناصر آفتاب کے مطابق چند افراد نادرا کے دفتر میں اپنا شناختی کارڈ بنوانے آئے تھے، عملے نے ان افراد سے مطلوبہ دستاویز طلب کیں جس پر نامعلوم افراد مشتعل ہوگئے اور انہوں نے نادرا کے عملے کو زدوکوب کیا اور کمپیوٹر اور دیگر سامان کو نقصان پہنچا یا جب کہ ملزمان ہوائی فائرنگ کرتے ہوئے فرار ہوگئے، ایس ایس پی کے مطابق ملزمان کو شناخت کرلیا گیا جلد گرفتارکرلیا جائے گا.

واضح رہے کہ اس حملے کے بعد کلفٹن ، ڈیفنس اور ملحقہ علاقوں میں نادرا کے دفاتر خوف کے باعث بند کردیئے گئے۔