نادرا شناختی کارڈ کی فیس کم کرے شیخ شوکت علی

PESHAWAR:
جماعت اسلامی ضلع حیدرآباد کے امیر شیخ شوکت علی نے کہا ہے کہ اسمارٹ کارڈ اور عام شناختی کارڈ کے لیے شہریوں کو مسائل کا سامنا کرنا پڑ رہا ہے۔

نادرا عوام کی سہولت کے لیے شناختی کارڈ فیس کم کرے۔ ایک بیان میں انھوں نے کہا کہ نیشنل ڈیٹابیس اینڈرجسڑیشن اتھارٹی نادرا کا قومی ڈیٹا کمپیوٹرائزڈ کرنا اچھا کام ہے لیکن نئے شناختی کارڈ، اسمارٹ کارڈ اور تجدید کرانے کے لیے شہریوں کو مسائل کا سامنا کرنا پڑ رہا ہے، نادراکی جانب سے جاری کردہ کارڈزکی تجدیدی فیس پہلی دفعہ سے زیادہ وصول کی جارہی ہے جبکہ اسمارٹ کارڈ کے لیے 15 سو روپے وصول کیے جا رہے ہیں، شناختی کارڈ کے دوبارہ اجراء کے لیے بھی تصدیقی عمل لازمی ہے۔




دوسری طرف حکومت کی جانب سے اسمارٹ کارڈ فرض قرار دینے سے نادرا سینٹرز پر سرکاری ملازمین کا ہجوم ہے جبکہ عوام میں یہ احساس بھی پایا جاتا ہے کہ اسمارٹ کارڈ سِم سے منسلک قومی ڈیٹا غلط ہاتھوں میں جاسکتا ہے یا امریکا کی ڈیٹا تک رسائی ہوسکتی ہے جوکہ قومی مفادات کے خلاف استعمال ہو سکتا ہے۔ انھوں نے کہا کہ نادرا اسمارٹ شناختی کارڈ کی فیس کم کرے اور تجدیدی فیس ختم کرے۔