لوئردیر دہشت گردی کا منصوبہ ناکام جعلی وردیاں اور اسلحہ و بارود برآمد

سیکیورٹی فورسز نے دہشت گردی کا بڑا منصوبہ ناکام بنا کر پاک فوج اور افغان اہلکاروں کی جعلی وردیوں سمیت بڑی مقدار اسلحہ و بارود برآمد کرلیا۔


لوئر دیر میں سیکیورٹی فورسز کے ایریا انچارج کرنل مقصود احمد نے میڈیا سے بات کرتے ہوئے بتایا کہ فورسز نے 2 زیر حراست ملزمان کی نشاندہی پر تحصیل میدان میں سرچ آپریشن کرکے 9 بارودی سرنگیں، 9 دستی بم، 8 ڈیٹونیٹر، ایک کلاشنکوف، ایک سیون ایم ایم، ایک مشین گن، درجنوں کارتوس اور 3 کلو گرام بارودی مواد کے علاوہ پاک فوج اور افغان نیشنل آرمی کی جعلی وردی بھی برآمد کرلی۔

کرنل مقصود احمد کا کہنا تھا کہ اسلحہ اور بارودی مواد سے اندزاہ ہوتا ہے کہ دہشتگرد کوئی بڑی کارروائی کرنا چاہتے تھے جسے سیکیورٹی فورسز نے ناکام بنا دیا ہے،