یوٹیلٹی اسٹورز کارپوریشن کی آٹومیشن التوا کا شکار
نجی کمپنی کے ٹھیکہ چیلنج کرنے پر معاملہ مسابقتی کمیشن میں چلا گیا
یوایس سی کوفیصلے کا انتظار،1 ہزار اسٹورز کا نظام خودکار بنایا جائیگا،ذرائع۔ فوٹو : فائل
KABUL:
یوٹیلٹی اسٹورز کارپوریشن (یو ایس سی) کی آٹومیشن التوا کا شکار ہو کر رہ گئی۔
ذرائع کے مطابق یوٹیلٹی اسٹورز کارپوریشن کی جانب سے ملک بھر کے یوٹیلٹی اسٹورز میں عوام کی سہولت اور شفافیت کے لیے آٹومیشن کا منصوبہ شروع کیا گیا تھا جس کے لیے مختلف کمپنیوں کی جانب سے ٹینڈر کے عمل میں حصہ لیا گیا لیکن ایک نجی کمپنی کی جانب سے ٹینڈر ایوارڈ کو چیلنج کیے جانے پر یہ کیس مسابقتی کمیشن میں چلا گیا، یوایس سی کو اس کیس کے فیصلے کا انتظار ہے۔
آٹومیشن منصوبے کے تحت یوٹیلٹی اسٹورز کارپو ریشن کی جانب سے ملک بھر میں اپنے 5ہزار سے زائد اسٹورز میں سے پہلے مرحلے میں 1سال کے دوران اپنے ہیڈ آفس، 9 زونل دفاتر، 65 ریجنل دفاتر اور 1ہزار اسٹوروں کی آٹومیشن کی جانی تھی۔ آٹومیشن کے اس عمل سے یوٹیلٹی اسٹورز کے ریکارڈ کو مرتب کیا جانا تھا، ساتھ ہی فروخت میں اضافہ اور کیش کے نظام میں بھی شفافیت لائی جانی ہے، اس کے علاوہ یوایس سی کو ملک بھر میں اپنے کسی بھی اسٹور پر اشیا کی قلت، خرید و فروخت میں کمی اور اضافے کو بھی مانیٹر کرنے میں سہولت ہوگی۔
ذرائع کاکہنا ہے کہ اس عمل کو رواں سال کے پہلے مہینے میں شروع کیا جانا تھا تاہم مسابقتی کمیشن میں کیس ہونے کے باعث آٹومیشن کا منصوبہ رک گیا ہے اور یوٹیلٹی اسٹورز کارپوریشن کو اس وقت مسابقتی کمیشن کے فیصلے کا انتظار ہے، مسابقتی کمیشن کے فیصلے کے بعد یو ایس سی آٹومیشن منصوبے کا کنٹریکٹ ایوارڈ کرے گی۔ علاوہ ازیں جن یوٹیلٹی اسٹورز کی آٹومیشن کی جانی ہے وہ کارپوریشن کے ریونیو کا 80فیصد جنریٹ کرتے ہیں۔
یوٹیلٹی اسٹورز کارپوریشن (یو ایس سی) کی آٹومیشن التوا کا شکار ہو کر رہ گئی۔
ذرائع کے مطابق یوٹیلٹی اسٹورز کارپوریشن کی جانب سے ملک بھر کے یوٹیلٹی اسٹورز میں عوام کی سہولت اور شفافیت کے لیے آٹومیشن کا منصوبہ شروع کیا گیا تھا جس کے لیے مختلف کمپنیوں کی جانب سے ٹینڈر کے عمل میں حصہ لیا گیا لیکن ایک نجی کمپنی کی جانب سے ٹینڈر ایوارڈ کو چیلنج کیے جانے پر یہ کیس مسابقتی کمیشن میں چلا گیا، یوایس سی کو اس کیس کے فیصلے کا انتظار ہے۔
آٹومیشن منصوبے کے تحت یوٹیلٹی اسٹورز کارپو ریشن کی جانب سے ملک بھر میں اپنے 5ہزار سے زائد اسٹورز میں سے پہلے مرحلے میں 1سال کے دوران اپنے ہیڈ آفس، 9 زونل دفاتر، 65 ریجنل دفاتر اور 1ہزار اسٹوروں کی آٹومیشن کی جانی تھی۔ آٹومیشن کے اس عمل سے یوٹیلٹی اسٹورز کے ریکارڈ کو مرتب کیا جانا تھا، ساتھ ہی فروخت میں اضافہ اور کیش کے نظام میں بھی شفافیت لائی جانی ہے، اس کے علاوہ یوایس سی کو ملک بھر میں اپنے کسی بھی اسٹور پر اشیا کی قلت، خرید و فروخت میں کمی اور اضافے کو بھی مانیٹر کرنے میں سہولت ہوگی۔
ذرائع کاکہنا ہے کہ اس عمل کو رواں سال کے پہلے مہینے میں شروع کیا جانا تھا تاہم مسابقتی کمیشن میں کیس ہونے کے باعث آٹومیشن کا منصوبہ رک گیا ہے اور یوٹیلٹی اسٹورز کارپوریشن کو اس وقت مسابقتی کمیشن کے فیصلے کا انتظار ہے، مسابقتی کمیشن کے فیصلے کے بعد یو ایس سی آٹومیشن منصوبے کا کنٹریکٹ ایوارڈ کرے گی۔ علاوہ ازیں جن یوٹیلٹی اسٹورز کی آٹومیشن کی جانی ہے وہ کارپوریشن کے ریونیو کا 80فیصد جنریٹ کرتے ہیں۔