راولپنڈی کے پاور شو میں ناکام لیگی قائدین پس منظر میں

عوامی قوت کا بھرپور مظاہرہ نہ کرسکنے پر سابق وزیراعظم نواز شریف کے اظہار ناراضی کے بعد مرکزی لیڈر شپ کی جانب سے ن لیگی رہنماؤں کو نظرانداز کردیا گیا۔

راولپنڈی میں عوامی قوت کا بھرپور مظاہرہ نہ کرسکنے اور ریلی کو پنجاب ہاؤس تک پہنچا کر گھروں کو چلے جانے پر سابق وزیراعظم نواز شریف کے اظہار ناراضی کے بعد مرکزی لیڈرشپ نے حنیف عباسی، سردار نسیم خان، ملک شکیل اعوان اور بعض دیگر رہنماؤں کو نظرانداز کردیا جس کے بعد وہ پس منظر میں چلے گئے ہیں۔


شہر اور کینٹ کی آئندہ سیاست میں سینیٹر چوہدری تنویرکواہم کردار ملنے کا واضح امکان پیدا ہوگیا ہے تاہم نظرانداز ہونیوالے رہنما اب وزیراعلیٰ پنجاب میاں شہباز شریف کی طرف دیکھنے لگے ہیں۔

واضح رہے کہ سابق وزیراعظم کی ریلی کے موقع پر راولپنڈی شہر سے لوگوں کی حاضری نہ ہونے کے برابر تھی۔