عمر اکمل پی سی بی کے شوکاز نوٹس کا جواب آج جمع کروائیں گے

LONDON:
کرکٹر عمر اکمل پی سی بی کے شوکاز نوٹس کا جواب آج جمع کروائیں گے۔


ذرائع کے مطابق اپنے جواب میں کامران اکمل نے کہا ہے کہ بورڈ کے خلاف کوئی بات نہیں کی، ہیڈ کوچ مکی آرتھر کی زیادتی کے خلاف آواز بلند کی ہے، مسلسل ناانصافی پر بولنا پڑا، سسٹم کی عزت کرتا ہوں، سینٹرل کنٹریکٹ پلیئر نہ ہونے کے باوجود شوکاز نوٹس کا جواب دے رہا ہوں۔ نوجوان بیٹسمین نے یہ بھی کہا کہ انہیں نیشنل کرکٹ اکیڈمی میں پریکٹس سے روکا گیا جب کہ غیرملکی کوچنگ اسٹاف نے ان کو ہدف بنا رکھا ہے۔

واضح رہے کہ چند روز قبل عمر اکمل نے لاہور میں پریس کانفرنس کرتے ہوئے الزام عائد کیا تھا کہ ہیڈ کوچ مکی آرتھر نے چیف سلیکٹر انضمام الحق اور نیشنل کرکٹ اکیڈمی کے ہیڈ کوچ مشتاق احمد کی موجودگی میں انہیں گالیاں دیں۔