پی ٹی سی ایل کی انٹرنیٹ صارفین کیلیے نئی پیشکش

پاکستان ٹیلی کمیونیکیشن کمپنی لمیٹڈ نے دورجدید کے تقاضوں کو مدنظررکھتے ہوئے ایک خصوصی پیکیج کے تحت اپنے صارفین کیلیے مفت 3جی ایوو نائیٹرو 9.3ایم بی پی ایس کی رفتار سے چلنے والی یو ایس بی ڈیوائس محض6000روپے کی پیشگی ادائیگی کے ساتھ آفر کردی ہے، صارفین اس پیشکش کے تحت 3 ماہ کیلیے لامحدود انٹرنیٹ بھی استعمال کر سکیں گے،


پی ٹی سی ایل کی 3جی ایوو نائیٹرو یو ایس بی ایک چھوٹے سائز کی اور دوران سفر قابل استعمال یو ایس بی ڈونگل ہے، یہ بے مثال 9.3ایم بی پی ایس کی رفتار کے ساتھ ساتھ براڈ بینڈ انٹرنیٹ کی رابطہ کاری کی سہولت سے مزین ہے، علاوہ ازیں 200سے زائد شہروں تک ایوو 3جی نائیٹروصارفین کو ہر جگہ اور ہر وقت رابطہ کاری میں یقینی کارآمد ہے،

پی ٹی سی ایل 3جی ایوو نائیٹرو یو ایس بی تیز رفتار9.3ایم بی پی ایس کے ساتھ استعمال کرنے والوں کیلیے شاندار سہولت مہیا کرتی ہے جس میں پی ٹی سی ایل کسٹمرز فوری کنیکٹیویٹی کے ساتھ سرعت رفتار ویب برائوزنگ، اعلیٰ معیار کی ویڈیو اسٹریمنگ، لامحدود ڈائون لوڈنگ، تیز رفتار اپ لوڈنگ اور پلگ اینڈ پلے جیسی سہولتوں سے لطف اندوز ہو سکتے ہیں۔