طوفان ’ارما‘ نے سمندر کا پانی بھی خشک کردیا
یہ قدرتی مظہر نایاب ضرور ہے لیکن پراسرار ہر گز نہیں بلکہ قوانینِ قدرت کی عین مطابقت میں ہوتا ہے
ارما طوفان اتنا طاقتور تھا کہ اس نے ساحلِ سمندر کا پانی تک خشک کردیا تھا۔ (فوٹو: انٹرنیٹ)
KARACHI:
امریکی ریاست فلوریڈا میں تباہی مچانے والے طوفان ''اِرما'' کے ساتھ ایک اور عجیب و غریب واقعہ بھی دیکھا گیا ہے جس کی تصاویر اور ویڈیوز بڑی تیزی سے وائرل ہورہی ہیں۔
ان میں دیکھا جاسکتا ہے کہ ارما سے پہلے جس ساحلی علاقے میں سمندر موجود تھا وہ طوفان کی آمد پر بالکل خشک ہوگیا اور سمندری تہہ دکھائی دینے لگی؛ یہ مناظر بہاماس کے ہیں جو کریبین کے علاقے میں واقع ہے۔ ٹوئٹر پر ایک صارف نے اس کی ایک ویڈیو بھی شیئر کرائی ہے جو اب یو ٹیوب پر موجود ہے:
https://www.youtube.com/watch?v=rdY5X3tPw30
ویڈیو میں بہاماس کے ایک علاقے کا خشک ساحلی مقام دیکھا جاسکتا ہے جس میں دُور ایک جزیرہ بھی ٹیلے کی مانند نظر آرہا ہے۔ البتہ طوفان کے گزر جانے کے بعد یہ حالات معمول پر واپس آگئے۔
عام لوگوں کےلیے یہ منظر عجیب و غریب ضرور ہوسکتا ہے لیکن یہ دراصل ایک بہت ہی نایاب قدرتی مظہر ہے جو عشروں بلکہ صدیوں میں ایک سے دو مرتبہ ہی دکھائی دیتا ہے۔
حقیقت یہ ہے کہ سمندر میں بننے والے طوفان (ہریکین) میں ہوا کا دباؤ بہت کم ہوتا ہے اور جیسے جیسے اس کے مرکز (آنکھ) کی طرف بڑھتے ہیں ویسے ویسے ہوا کا یہ دباؤ اور بھی کم ہوتا چلا جاتا ہے۔
کم دباؤ والا حصہ اپنے ارد گرد کی ہوا بڑی تیزی سے کھینچتا ہے جس کے نتیجے میں آس پاس کے علاقوں میں تیز ہوائیں چلتی ہیں۔ لیکن اگر طوفان بہت زیادہ شدید اور طاقتور ہو تو وہ ہوا کے ساتھ ساتھ سمندر کا پانی بھی اپنے اندر کھینچنے لگتا ہے۔
اگر طوفان کے مرکز سے قریب کوئی ایسا علاقہ ہو جہاں سمندر کی گہرائی نسبتاً کم ہو تو وقتی طور پر (صرف چند منٹوں یا گھنٹوں کےلیے) اس جگہ کا پانی خشک ہوجاتا ہے کیونکہ طوفان اسے اپنے اندر کی طرف گویا چوس لیتا ہے۔ طوفان کے گزر جانے یا ختم ہوجانے کے بعد سمندر کا پانی معمول کے مطابق واپس آجاتا ہے۔
ایسے قدرتی مناظر ہمیں صرف اس لیے عجیب و غریب یا پراسرار محسوس ہوتے ہیں کیونکہ یہ برسوں اور صدیوں میں ایک دو مرتبہ ہی ہوتے ہیں ورنہ یہ قوانینِ قدرت کی عین مطابقت میں ہوتے ہیں۔
امریکی ریاست فلوریڈا میں تباہی مچانے والے طوفان ''اِرما'' کے ساتھ ایک اور عجیب و غریب واقعہ بھی دیکھا گیا ہے جس کی تصاویر اور ویڈیوز بڑی تیزی سے وائرل ہورہی ہیں۔
ان میں دیکھا جاسکتا ہے کہ ارما سے پہلے جس ساحلی علاقے میں سمندر موجود تھا وہ طوفان کی آمد پر بالکل خشک ہوگیا اور سمندری تہہ دکھائی دینے لگی؛ یہ مناظر بہاماس کے ہیں جو کریبین کے علاقے میں واقع ہے۔ ٹوئٹر پر ایک صارف نے اس کی ایک ویڈیو بھی شیئر کرائی ہے جو اب یو ٹیوب پر موجود ہے:
https://www.youtube.com/watch?v=rdY5X3tPw30
ویڈیو میں بہاماس کے ایک علاقے کا خشک ساحلی مقام دیکھا جاسکتا ہے جس میں دُور ایک جزیرہ بھی ٹیلے کی مانند نظر آرہا ہے۔ البتہ طوفان کے گزر جانے کے بعد یہ حالات معمول پر واپس آگئے۔
عام لوگوں کےلیے یہ منظر عجیب و غریب ضرور ہوسکتا ہے لیکن یہ دراصل ایک بہت ہی نایاب قدرتی مظہر ہے جو عشروں بلکہ صدیوں میں ایک سے دو مرتبہ ہی دکھائی دیتا ہے۔
حقیقت یہ ہے کہ سمندر میں بننے والے طوفان (ہریکین) میں ہوا کا دباؤ بہت کم ہوتا ہے اور جیسے جیسے اس کے مرکز (آنکھ) کی طرف بڑھتے ہیں ویسے ویسے ہوا کا یہ دباؤ اور بھی کم ہوتا چلا جاتا ہے۔
کم دباؤ والا حصہ اپنے ارد گرد کی ہوا بڑی تیزی سے کھینچتا ہے جس کے نتیجے میں آس پاس کے علاقوں میں تیز ہوائیں چلتی ہیں۔ لیکن اگر طوفان بہت زیادہ شدید اور طاقتور ہو تو وہ ہوا کے ساتھ ساتھ سمندر کا پانی بھی اپنے اندر کھینچنے لگتا ہے۔
اگر طوفان کے مرکز سے قریب کوئی ایسا علاقہ ہو جہاں سمندر کی گہرائی نسبتاً کم ہو تو وقتی طور پر (صرف چند منٹوں یا گھنٹوں کےلیے) اس جگہ کا پانی خشک ہوجاتا ہے کیونکہ طوفان اسے اپنے اندر کی طرف گویا چوس لیتا ہے۔ طوفان کے گزر جانے یا ختم ہوجانے کے بعد سمندر کا پانی معمول کے مطابق واپس آجاتا ہے۔
ایسے قدرتی مناظر ہمیں صرف اس لیے عجیب و غریب یا پراسرار محسوس ہوتے ہیں کیونکہ یہ برسوں اور صدیوں میں ایک دو مرتبہ ہی ہوتے ہیں ورنہ یہ قوانینِ قدرت کی عین مطابقت میں ہوتے ہیں۔