حوثی باغیوں نے مکہ مکرمہ پر حملے کی دھمکی دے دی
حوثی باغی کا دعوی ہے کہ وہ جدید میزائلوں سے سعودی دارالحکومت ریاض اور مکہ مکرمہ تک کو نشانہ بناسکتے ہیں
حوثی باغیوں کے سربراہ عبدالمالک حوثی نے دعوی کیا ہے کہ وہ اپنے جدید میزائلوں سے سعودی دارالحکومت ریاض اور مکہ مکرمہ تک کو نشانہ بناسکتے ہیں۔ (فوٹو: فائل)
یمن میں حوثی باغیوں کے سربراہ عبدالمالک الحوثی نے اپنے زیرِ قبضہ ٹی وی چینل المسیرہ پر خطاب میں سعودی عرب اور متحدہ عرب امارات کو براہِ راست دھمکی دیتے ہوئے کہا ہے کہ متحدہ عرب امارات اب حوثی میزائلوں کی زد پر ہے جبکہ وہ بحیرہ احمر میں سعودی عرب کے تیل بردار بحری جہازوں (ٹینکرز) کو نشانہ بنائیں گے۔
اپنے خطاب میں عبدالمالک الحوثی کا کہنا تھا کہ متحدہ عرب امارات میں کام کرنے والی کمپنیاں یا وہ ادارے جنہوں نے وہاں سرمایہ لگایا ہوا ہے، وہ اب خود کو محفوظ نہ سمجھیں۔ انہوں نے دعوی کیا کہ حوثی باغیوں کے پاس ایسی جدید میزائل ٹیکنالوجی ہے جس کے ذریعے وہ شمال میں سعودی دارالحکومت ریاض اور جنوب میں مکہ مکرمہ تک مار کرسکتے ہیں۔
اس خبر کو بھی پڑھیں: یمن میں اتحادی فوج کی بمباری سے حوثی کمانڈر سمیت 45 باغی ہلاک
اسی خطاب میں انہوں نے خبردار کیا کہ حوثی باغیوں کے قبضے میں یمنی بندرگاہ حدیدہ پر قبضے کی کوشش نہ کی جائے ورنہ اس کے سنگین نتائج برآمد ہوں گے۔
اس خبر کو بھی پڑھیں: یمن میں حوثی باغیوں کے حملے میں فوج کے ڈپٹی چیف آف جنرل اسٹاف ہلاک
واضح رہے کہ یمن میں سعودی عرب کی قیادت میں حوثی باغیوں کے خلاف فوجی کارروائیاں جاری ہیں جبکہ اس اتحاد میں متحدہ عرب امارات بھی شامل ہے۔
اپنے خطاب میں عبدالمالک الحوثی کا کہنا تھا کہ متحدہ عرب امارات میں کام کرنے والی کمپنیاں یا وہ ادارے جنہوں نے وہاں سرمایہ لگایا ہوا ہے، وہ اب خود کو محفوظ نہ سمجھیں۔ انہوں نے دعوی کیا کہ حوثی باغیوں کے پاس ایسی جدید میزائل ٹیکنالوجی ہے جس کے ذریعے وہ شمال میں سعودی دارالحکومت ریاض اور جنوب میں مکہ مکرمہ تک مار کرسکتے ہیں۔
اس خبر کو بھی پڑھیں: یمن میں اتحادی فوج کی بمباری سے حوثی کمانڈر سمیت 45 باغی ہلاک
اسی خطاب میں انہوں نے خبردار کیا کہ حوثی باغیوں کے قبضے میں یمنی بندرگاہ حدیدہ پر قبضے کی کوشش نہ کی جائے ورنہ اس کے سنگین نتائج برآمد ہوں گے۔
اس خبر کو بھی پڑھیں: یمن میں حوثی باغیوں کے حملے میں فوج کے ڈپٹی چیف آف جنرل اسٹاف ہلاک
واضح رہے کہ یمن میں سعودی عرب کی قیادت میں حوثی باغیوں کے خلاف فوجی کارروائیاں جاری ہیں جبکہ اس اتحاد میں متحدہ عرب امارات بھی شامل ہے۔