بہارپولیس کا اجرت میں اضافہ کیلئےاحتجاج کرنے والی خواتین پرتشدد

دنیا کی سب سے بڑی جمہوریت کے دعویدار بھارت میں خواتین پر مظالم نئی بات نہیں، بہار میں بھارتی پولیس نے اجرت میں اضافے کے لئے احتجاج کرنے والی خواتین کو تشدد کا نشانہ بنا ڈالا۔

بھارتی ریاست بہار میں محنت مزدوری کر کے اپنا اور بچوں کا پیٹ پالنے والی سیکڑوں خواتین نے صوبائی قانون ساز اسمبلی کے باہر اجرت میں اضافے کے لیے احتجاجی مظاہرے کیے، اس موقع پر پولیس مظاہرین پر ٹوٹ پڑی اور خواتین کو تشدد کا نشانہ بنا ڈالا جب کہ متعدد کو گرفتار کر لیا۔

دوسری جانب مظاہرین کا کہنا تھا کہ ان کے احتجاج کا مقصد ملک میں خواتین کے ساتھ ہونے والی نا انصافیوں کی طرف حکومت کی توجہ دلانا ہے۔