’دی کپل شرما شو‘ کے سنیل گروور اور علی اصغر کی ایک ساتھ واپسی

بھارتی کامیڈی پروگرام 'دی کپل شرما شو' سے شہرت پانے والے کامیڈین و اداکار سنیل گروور اور علی اصغر مزاحیہ پروگرام میں واپسی کر رہے ہیں۔

معروف بھارتی کامیڈین واداکار کپل شرما کی آسٹریلیا سے واپسی میں ساتھی اداکاروں کے ساتھ بدتمیزی اور لڑائی کے بعد سے ہی ان کے پروگرام کی ریٹنگ دن بدن نیچے آتی جا رہی ہے اور حال میں میزبان کی طبعیت کی خرابی کی وجہ سے سونی ٹی وی کی انتظامیہ کو 'دی کپل شرما شو' کو بند بھی کرنا پڑا مگر اب خبریں سامنے آرہی ہیں کہ یہ شو اگلے ماہ تک واپس آن ایئر ہو جائے گا۔

اس خبر کو بھی پڑھیں؛ 'دی کپل شرما شو' کی واپسی


بھارتی میڈیا رپورٹس کے مطابق کامیڈین کپل شرما کے شو سے پہلے 'گتھی' اور پھر 'ڈاکٹر گلاٹی' کے کرداروں سے شہرت پانے والے سنیل گروور سونی ٹی وی پر واپسی کر رہے ہیں مگر ان کی واپسی 'دی کپل شرما شو' میں نہیں ہو گی بلکہ ان کے لیے ایک نیا کامیڈی شو لایا جا رہا ہے جس میں کپل کے شو سے ہی 'نانی' کے کردار سے شہرت پانے والے علی اصغر اور سگندا مشرا بھی ساتھ ہوں گی۔

اس خبر کو بھی پڑھیں؛ سنیل گروور نے ''دی کپل شرما شو'' چھوڑ دیا

رپورٹس کے مطابق چند ماہ قبل شروع کیے گئے مزاحیہ پروگرام 'دی ڈرامہ کمپنی' کو بند کر دیا جائے گا اور اس کے میزبان کرشنا ابھیشک بھی سنیل گروور کے شو کو جوائن کریں گے۔