سری لنکا سے سیریزقومی کرکٹرز کا تربیتی کیمپ شروع

سری لنکا سے سیریز سے قبل قومی کرکٹرز کے تربیتی کیمپ کا لاہور میں آغاز ہو گیا۔
پلیئرز نے قذافی سٹیڈیم لاہور میں جاری کیمپ میں ہیڈ کوچ مکی آرتھر نے ٹریننگ سے قبل کھلاڑیوں کو طویل لیکچر دیا، جس کے بعد پہلا ٹریننگ سیشن تین گھنٹے تک جاری رہا جس میں پلیئرز نے وارم اپ اور فیلڈنگ ڈرلز کے بعد بیٹنگ اور بولنگ میں بھی سخت ٹریننگ کا سلسلہ جاری رکھا۔ تربیتی کیمپ 23 ستمبر تک جاری رہے گا۔


یہ خبر بھی پڑھیں:سری لنکا سےٹیسٹ سیریز ،تربیتی کیمپ کیلیےقومی کھلاڑیوں کا اعلان
کیمپ میں 18 پلیئرز کو مدعو کیا گیا ہے جن میں کپتان سرفراز احمد، اظہر علی، شان مسعود، احمد شہزاد، سمیع اسلم ، بابر اعظم، اسد شفیق، حارث سہیل، عثمان صلاح الدین، محمد رضوان، یاسر شاہ، محمد اصغر، بلال آصف، میر حمزہ، محمد عامر، محمد عباس، وہاب ریاض اور حسن علی شامل ہیں، ان میں سے ایک یا 2 پلیئرز کو ڈراپ کرکے سیریز کیلیے حتمی سکواڈ کا اعلان کیا جائے گا۔
واضح رہے کہ پاکستان اور سری لنکا کی ٹیموں کے درمیان 2 ٹیسٹ، 5 ون ڈے اور 3 ٹی ٹوئنٹی میچز پر مشتمل سیریز متحدہ عرب امارات میں کھیلی جائے گی جبکہ آخری ٹی ٹوئنٹی میچ لاہور میں کھیلا جائے گا۔