جاپان اوپن اعصام الحق کو مینز ڈبلز کے پہلے راﺅنڈ میں شکست

پاکستانی ٹینس اسٹار اعصام الحق جاپان اوپن ٹینس ٹورنامنٹ کے مینز ڈبلز کے پہلے راﺅنڈ میں ہی شکست سے دوچار ہو گئے۔


ٹوکیو میں آرائکے کولیزیم میں ہونے والے ایونٹ میں اعصام اور ان کے پولش پارٹنر مارسین میٹکووسکی کو برازیل کے جولیو پیرالٹا اور میکسیکو کے سنتیاگو گونزالیز کے 2-1 سے شکست کا سامنا کرنا پڑا۔ میچ کا سکور 6-3، 7-5 اور 12-10 رہا۔

واضح رہے کہ رواں برس اعصام الحق 5 ٹائٹلز اپنے نام کر چکے ہیں، انہوں نے فتوحات کا سلسلہ آکلینڈ اوپن سے شروع کیا، جہاں پر مارسین میٹکووسکی ان کی کامیابی کے حصہ دار بنے تھے، سیزن کی دوسری ٹائٹل فتح انہیں بارسلونا اوپن میں فلورین مرگیا کی سنگت میں ملی، تیسرا ٹائٹل اعصام نے اناطالیا اوپن میں روبرٹ لنزسے کی شراکت میںجیتا، چوتھی ٹرافی ہال آف فیم ٹینس چیمپئن شپ میں حاصل کی جس میں ان کے ساتھی راجیو رام تھے۔ جبکہ یکم اکتوبر کو انہوں نے جوناتھن ایلچ کے ہمراہ چینگڈو اوپن ٹینس ٹورنامنٹ میں مینز ڈبلز ٹرافی پر قبضہ جماتے ہوئے سیزن میں پانچواں ٹائٹل اپنے نام کیا تھا۔