ایشوریہ رائے کا ’’پھنے خاں‘‘ کی شوٹنگ سے اچانک انکار
ایشوریہ رائے کو اداکار راج کمار راؤ کے ساتھ مناظر فلم بند کرانے تھے لیکن انہوں نے انکار کردیا
ایشوریہ کوفوٹو شوٹ کے لیے لباس پسند نہ آیا،فوٹو:انٹرنیٹ
سابق ملکہ حسن اور سپر اسٹار ایشوریہ رائے بچن نے ملبوسات پسند نہ آنے پر اپنی نئی فلم ''پھنے خاں'' کی شوٹنگ کرانے سے انکار کردیا۔
ایشوریہ رائے بچن اپنے ملکوتی حسن اور زیبائش کے انداز کی وجہ سے نا صرف بھارت بلکہ دنیا بھر میں انتہائی مقبول ہیں، یہی وجہ ہے کہ وہ کئی بین الاقوامی کمپنیوں کی اعزازی سفیر بھی ہیں، ایشوریہ رائے پیشہ وارانہ طور پر انتہائی حساس ہیں، وہ اپنے کردار کی مناسبت سے ملبوسات اور وضع قطع کے حوالے سے ڈریس ڈیزائنرز اور ہیئر اسٹائلسٹس تک سے بات کرتی ہیں اور اس حوالے سے کوئی بھی سمجھوتہ نہیں کرتیں۔
ایسا ہی ان کی نئی فلم ''پھنے خاں'' کی شوٹنگ کے دوران اس وقت دیکھنے میں آیا جب انہوں نے ایک دن پہلے شوٹںگ ہی منسوخ کردی۔ بھارتی میڈیا کا کہنا ہے کہ ایشوریہ رائے نے 6 سے 8 اکتوبر کے درمیان اداکار راج کمار راؤ کے ساتھ اپنے مناظر کی عکسبندی کرانی تھی لیکن ایسا نہیں ہوسکا، فلم میں ایشوریہ ایک معروف پوپ گلوکارہ کا کردار نبھا رہی ہیں جو بہت بے باک اور فیشن کی دلدادہ ہے لیکن جو لباس تیار کئے گئے تھے وہ ایشوریہ کے کردار سے ہم آہنگ نہیں تھے اور اس میں بھارتی رنگ غالب تھا، جس کی وجہ سے انہوں نے شوٹنگ ہی منسوخ کردی۔
یہ خبر بھی پڑھیں: ہیما مالنی کے نقلی زیورات اور پرانے کپڑے
سابق ملکہ حسن کے قریبی ذرائع کا کہنا ہے کہ فلم کی انتظامیہ نے ان کے لیے ملبوسات معروف ڈریس ڈیزائنر منیش ملہوترا سے تیار کرائے تھے لیکن وہ اس وقت مختلف شہروں کے دوروں پر ہیں۔ اس لیے ہنگامی بنیادوں پر ممبئی نہیں آسکتے تھے، اب جب تک ایشوریہ اپنے ملبوسات سے مطمئن نہیں ہوتیں وہ شوٹنگ نہیں کرائیں گی۔
ایشوریہ رائے بچن اپنے ملکوتی حسن اور زیبائش کے انداز کی وجہ سے نا صرف بھارت بلکہ دنیا بھر میں انتہائی مقبول ہیں، یہی وجہ ہے کہ وہ کئی بین الاقوامی کمپنیوں کی اعزازی سفیر بھی ہیں، ایشوریہ رائے پیشہ وارانہ طور پر انتہائی حساس ہیں، وہ اپنے کردار کی مناسبت سے ملبوسات اور وضع قطع کے حوالے سے ڈریس ڈیزائنرز اور ہیئر اسٹائلسٹس تک سے بات کرتی ہیں اور اس حوالے سے کوئی بھی سمجھوتہ نہیں کرتیں۔
ایسا ہی ان کی نئی فلم ''پھنے خاں'' کی شوٹنگ کے دوران اس وقت دیکھنے میں آیا جب انہوں نے ایک دن پہلے شوٹںگ ہی منسوخ کردی۔ بھارتی میڈیا کا کہنا ہے کہ ایشوریہ رائے نے 6 سے 8 اکتوبر کے درمیان اداکار راج کمار راؤ کے ساتھ اپنے مناظر کی عکسبندی کرانی تھی لیکن ایسا نہیں ہوسکا، فلم میں ایشوریہ ایک معروف پوپ گلوکارہ کا کردار نبھا رہی ہیں جو بہت بے باک اور فیشن کی دلدادہ ہے لیکن جو لباس تیار کئے گئے تھے وہ ایشوریہ کے کردار سے ہم آہنگ نہیں تھے اور اس میں بھارتی رنگ غالب تھا، جس کی وجہ سے انہوں نے شوٹنگ ہی منسوخ کردی۔
یہ خبر بھی پڑھیں: ہیما مالنی کے نقلی زیورات اور پرانے کپڑے
سابق ملکہ حسن کے قریبی ذرائع کا کہنا ہے کہ فلم کی انتظامیہ نے ان کے لیے ملبوسات معروف ڈریس ڈیزائنر منیش ملہوترا سے تیار کرائے تھے لیکن وہ اس وقت مختلف شہروں کے دوروں پر ہیں۔ اس لیے ہنگامی بنیادوں پر ممبئی نہیں آسکتے تھے، اب جب تک ایشوریہ اپنے ملبوسات سے مطمئن نہیں ہوتیں وہ شوٹنگ نہیں کرائیں گی۔