مسلم لیگ ن دہشتگردوں کی سرپرستی کررہی ہے شرجیل میمن

وزیراطلاعات سندھ شرجیل میمن نے کہا ہے کہ مسلم لیگ (ن) دہشتگردوں کی سرپرستی کررہی ہے۔


اپنے ایک بیان میں شرجیل میمن نے الزام عائد کیا ہے کہ مسلم لیگ (ن) دہشتگردوں کی سرپرستی کرتے ہوئے انہیں فنڈز فراہم کررہی ہے جبکہ را نا ثناء اللہ پنجاب میں کالعدم تنظیموں کو سیکیورٹی فراہم کررہے ہیں ، انہوں نے کہا کہ مسلم لیگ(ن) نے دہشتگرد بنانے کی فیکٹری بند نہ کی تو ملک گیر احتجاج کیا جائے گا۔

شرجیل میمن نے کہا کہ سندھ صوفیاء کرام کی دھرتی اور امن ومحبت کا پیغام دیتی ہے ، انہوں نے کہا کہ جیکب آباد اور شکارپور میں دھماکے ہزارہ برادری پر حملوں کا تسلسل ہیں جبکہ مزارات اور آستانوں پر حملے برداشت نہیں کیے جائیں گے۔