دبئی اوپن جانکو تیپسر ووچ کا پہلے ہی راؤنڈ میں بوریا بستر گول

روس کے ان سیڈڈ پلیئر نکولے ڈیوڈنکو نے دبئی اوپن مینز سنگلز کے پہلے راؤنڈ میں سربیا کے چھ سیڈڈ کھلاڑی جانکو تیپسرووچ کو 6-0, 7-5 سے شکست دے کر ایونٹ سے باہر کردیا۔

ایک اور میچ میں رومانیہ کے وکٹر ہانسکواورآسٹریلیا کے برنارڈ ٹومک کے مابین میچ میں اول الذکر نے اس وقت کامیابی حاصل کرلی جب ٹومک کو انجری کے سبب پہلے ہی سیٹ(3-2) میں ریٹائر ہونا پڑا۔ دیگر مقابلوں میں جرمنی کے ٹوبیسکامکے نے قازقستان کے میخائل کوکوشکن کو 4-6, 6-4 اور6-4، اسپین کے مارسیل گرینولرس نے ہم وطن البرٹ مونٹانیسکو 6-3, 6-1 سے ہرایا۔




ادھر میکسیکو میں جاری اے ٹی پی اور ڈبلیو ٹی اے ایونٹ کے پہلے راؤنڈ میں مینز سنگلز میں پرتگال کے جواؤ سوسا نے5 سیڈ جرگن میلزر کو 6-4, 6-3 سے ہراکر ٹورنامنٹ سے خارج کردیا۔ دیگر میچز میں ارجنٹائن کے مارٹن ایلونڈ نے میکسیکو کے ڈینیئل گارزا ، اسپین کے پابلوانڈوجر نے سربیا کے دوسان لاجووک، ارجنٹائن کے لیونارڈو میئر نے میکسیکو کے میگوئل اینجل ریئس وریلا ، کولمبیا کے سانتیاگو جیرالڈو نے اسپین کے روبن رامیرز ہیڈالگو کوزیرکیا جبکہ ویمنز سنگلز میں ہالینڈ کی 5 سیڈ ککی برٹینس نے کینیڈا کی شیرون فچمین کو 6-2, 7-5 ، اسپین کی اسٹریلا کابیزا نے پرتگال کی ماریہ جاؤ کوہلر ، اسپین کی 7 سیڈ لائورڈیس ڈومینگز نے اٹلی کی فلاویا پنیٹا، رومانیہ کی 4 سیڈ ارینا کامیلیا بیگو نے کروشیا کی ایجلا ٹومجانووکاورقازقستان کی سیسل کراٹنچیوا نے میکسیکو کی زیمینا ہرموسو کو شکست دی۔

دوسری جانب اے ٹی پی ٹور ڈیلرے بیچ انٹرنیشنل چیمپئن شپ کے پہلے راؤنڈ میں کروشیا کے ایوان ڈوڈج نے یوکرین کے 5 سیڈ الیگزینڈر ڈولگوپولوو کو 6-3, 6-3 سے پچھاڑ دیا۔ دیگر میچز میں بیلاروس کے 8 سیڈ زیویئر مالیسی نے کولمبیا کے الیجاندرو فلا ، روس کے ایوجینے ڈونسکوو نے بیلجیئم کے اسٹیو ڈارکس اور امریکا کے تھرڈ سیڈ سام کیورے نے ہم وطن مائیکل رسل کو زیر کیا۔