5سال کس طرح جمہوریت کو قائم رکھا یہ ہم ہی جانتے ہیں صدر زرداری

صدر آصف علی زرداری نے کہا ہے کہ 5سال ہم نے کس طرح جمہوریت کو قائم رکھا یہ ہم ہی جانتے ہیں.


سیالکوٹ میں جلسہ عام سے خطاب کے دوران صدر آصف علی زرداری نے کہا ہے کہ جمہوریت کی ترقی کی بنیاد ہم نے رکھی، پہلی مرتبہ جمہوری حکومت اپنی مدت پوری کررہی ہے۔ حکومت کے پانچ سال جمہوریت کی افزائش کی تصویر پیش کرتے ہیں۔ انہوں نے کہا کہ مخالفین ہر 6 ماہ بعد کہتے تھے کہ حکومت جارہی ہے لیکن ان تمام رکاوٹوں کے باوجود حکومت نے بنیادی سہولیات کی فراہمی کیلئے بہت کام کیاہے۔

خطاب سے قبل صدر آصف علی زرداری نے سیالکوٹ میں مختلف منصوبوں کا بھی افتتاح کیا۔