7 شکستوں کے باوجود سری لنکن کوچ کو ٹیم میں بہتری کے آثار نظر آنے لگے

یواے ای میں کھیلے جانے والے ساتوں محدود اوورز میچز میں شکست کے باوجود سری لنکن کوچ نک پوتھاس کو ٹیم میں بہتری کے آثار نظر آنے لگے۔

میڈیا سے بات چیت کرتے ہوئے سری لنکن کوچ نے کہا کہ ون ڈے سیریز میں شکستوں کے بعد نوجوان کرکٹرز پر مشتمل ٹی ٹوئنٹی اسکواڈ نے اچھی کارکردگی کا مظاہرہ کیا،انھوں نے کہا کہ پاکستانی ٹیم کے خوشیاںمنانے سے ظاہر ہوا کہ آئی لینڈرز نے ناتجربہ کاری کے باوجود ان کیلیے فتح کا سفر کتنا دشوار بنا دیا تھا۔


کوچ نک پوتھاس نے کہا کہ دوسرے ٹی ٹوئنٹی میچ میں ہماری ٹیم نے رواں سیریز کا بہترین کھیل پیش کیا،سینئرز کو ڈراپ کیے جانے پر نوجوان کرکٹرز نے فوری ابوظبی پہنچ کر بغیر تیاری کے اچھی کارکردگی کا مظاہرہ کرتے ہوئے روشن مستقبل کی نوید سنائی ہے۔