شائقین سری لنکن ٹیم کو بھی سپورٹ کریں گے

پاکستانی شائقین جہاں اپنی ٹیم کو سپورٹ کرنے کیلیے آ رہے ہیں، وہیں پر کچھ نوجوان سری لنکا کو سپورٹ کرنے کیلیے ان کی شرٹس پہن کر آئے ہیں۔

ایکسپریس نیوز نے سری لنکن کٹ میں ملبوس ایک شائق سے استفسار کیا کہ یہاں تو سری لنکن کٹ نہیں ملتی، جس پر انہوں نے جواب دیا کہ گزشتہ سال سری لنکا سیر کیلیے گئے ، وہاں سے یہ شرٹ لے کر آئے، سری لنکا میں ایک پاکستانی ہونے کی حیثیت سے جو محبت ملی وہ فراموش نہیں کر سکتے، آج یہ شرٹ پہن کر بہت خوشی محسوس ہو رہی ہے، سری لنکن ٹیم نے پاکستان آ کر ہمارے دل جیت لیے ہیں، اس لیے آج انہیں سپورٹ کرنے آئے ہیں۔


یہ خبر بھی پڑھیں: 8 سال بعد سری لنکن ٹیم کی پاکستان آمد پرکھلاڑیوں کے شاندارتبصرے

قذافی اسٹیڈیم لاہورمیں پاکستان او ر سری لنکا کے مابین تیسرے اور آخری ٹی ٹوئنٹی میچ کے لیےکچھ شائقین نے سری لنکن پلیئرز کی تصاویر اور ان کو خراج تحسین پیش کرنے کیلیے پلے کارڈز بھی اٹھا رکھے ہیں۔