اثاثہ جات کیس میں چوہدری برادران آج نیب میں پیش ہونگے

DALLAS:
ق لیگ کے صدر چوہدری شجاعت حسین اور سابق وزیراعلیٰ پرویز الٰہی آج نیب لاہور آفس میں پیش ہوں گے۔


چوہدری شجاعت حسین اور سابق وزیراعلیٰ پرویز الٰہی کو گزشتہ ہفتے سمن جاری کیے گئے تھے کہ وہ پیش ہو کراثاثوں کی تفصیلات اور آمدن کے ذرائع بتائیں۔ ان کیخلاف مشرف دور میں آمدن سے زائد اثاثہ کے مقدمات کھولے گئے تھے تاہم انھیں بعد میں بند کردیا گیا تھا۔ دوسری جانب چوہدری شجاعت اور پرویز الٰہی نے نیب کیسزکا سامنا کرنے کا فیصلہ کیا ہے اور اس سلسلے میں اپنی لیگل ٹیم سے مشاورت بھی کی گئی ہے۔

ذرائع کے مطابق اس سلسلے میں ضروری دستاویزات کا حصول بھی ممکن بنایا گیا ہے جبکہ وزیرخزانہ اسحق ڈار کے دونوں بیٹوں کو بھی نوٹسز کے ذریعے آج طلب کیا گیا ہے۔