سانحہ عباس ٹاؤن ازخود نوٹس سپریم کورٹ کا5 رکنی لارجر بینچ تشکیل

چیف جسٹس افتخار محمد چوہدری نے سانحہ عباس ٹاؤن از خود نوٹس کی سماعت کرنے کیلئے 5 رکنی بینچ تشکیل دے دیا ہے۔


ایکسپریس نیوز کے مطابق چیف جسٹس افتخار محمد چوہدری نے سانحہ عباس ٹاؤن از خود نوٹس کی سماعت کرنے کیلئے 5 رکنی بینچ تشکیل دے دیا ہے ، بینچ کی سربراہی چیف جسٹس کریں گے جبکہ دیگر جج صاحبان میں جسٹس جواد ایس خواجہ، خلجی عارف حسین، جسٹس امیر ہانی مسلم اور جسٹس اعجاز افضل شامل ہوں گے، کیس کی سماعت کل سپریم کورٹ کراچی رجسٹری میں ہوگی۔

واضح رہے کہ چیف جسٹس کی سربراہی میں 3 رکنی بینچ نے 6 مارچ کو کیس کی سماعت کے دوران ڈی جی رینجرز اور آئی جی پولیس پر شدید تنقید کرتے ہوئے تمام متعلقہ اور خفیہ اداروں سے بھی رپورٹ طلب کرتے ہوئے سماعت جمعے تک کے لئے ملتوی کردی تھی۔