- ٹریفک حادثے کی جگہ پر رقص کرنا برازیلین گلوکار کو مہنگا پڑ گیا
- ہم قربانیوں اور تکالیف کے باوجود اپنی فتح تک لڑتے رہیں گے؛ عبوری سربراہ حزب اللہ
- 9 فروری واقعات؛ شوکت یوسفزئی سمیت 18 ملزمان عدم ثبوت کی بنا پر بری
- چیٹ جی پی ٹی کے سی ای او کی مستقبل سے متعلق حیران کُن پیشگوئی
- جعلی اکاؤنٹ کیس میں سلیم مانڈوی والا اور اعجاز ہارون سمیت تمام ملزمان بری
- بطور کپتان یقین رکھتا ہوں ٹیم پوری طرح متحد ہے، شان مسعود
- رواں سال کا دوسرا سورج گرہن؛ پاکستان میں مشاہدہ نہیں کیا جا سکے گا
- کراچی میں جرمن اسکول کی ایک لاکھ مربع گز زمین سے قبضہ ختم کروانے کا حکم
- پاکستانی نوجوانوں میں خودکشی موت کی چوتھی بڑی وجہ بن گئی
- جناح اسپتال: ینگ ڈاکٹرز کا جمعرات سے او پی ڈیز، وارڈز اور آپریشن کے بائیکاٹ کا اعلان
- سعودی عرب میں ہیروئن اسمگلنگ کے الزام میں پاکستانی کا سر قلم
- وزیر اعلی خیبرپختونخوا کی پنجاب پولیس کو وارننگ
- 8 سالہ بچی کی نایاب گلابی ٹڈے کی تصویر سوشل میڈیا پر وائرل
- لاہور میں پولیس مقابلے میں ایک اور انتہائی خطرناک ڈاکو ہلاک
- ہم نے احتجاج بند کردیا تو یہ لوگ عمران خان کو فوجی جیل میں ڈال دینگے،علیمہ خان
- 20 سال تک آپریشن کرنے والا جعلی ڈاکٹر گرفتار
- پشاور ہائی کورٹ میں 165 ججز کی تقرریاں، تبادلے
- امریکا میں سمندری طوفان نے تباہی مچادی؛ 90 سے زائد ہلاکتیں
- چیف جسٹس لاہور ہائیکورٹ کا بڑا فیصلہ؛ کرپشن پر سول جج برطرف، دو ججز کو سزائیں
- سونے کی عالمی اور مقامی مارکیٹوں میں قیمت کم ہو گئی
سندھ اسمبلی میں ایم آر ڈی کے شہدا کو خراج عقیدت پیش کرنے کی قرارداد منظور
کراچی: سندھ اسمبلی میں تحریک بحالی جمہوریت (ایم آر ڈی) کے شہداکو خراج عقیدت پیش کرنے کی قرارداد منظور کرلی گئی۔
وقفہ سوالات میں کراچی میں پانی کی قلت اور ملازمتوں کے کوٹے پر بھی بات چیت ہوئی۔ سندھ اسمبلی کا اجلاس 35 منٹ کی تاخیر سے اسپیکر اویس قادر شاہ کی زیر صدارت میں شروع ہوا۔
اپوزیشن لیڈر علی خورشیدی، قراۃالعین، محمد دلاور، عادل عسکری اور دیگر ارکان کے پبلک ہیلتھ انجینئرنگ سے متعلق وقفہ سوالات میں جوابات دیتے ہوئے وزیر بلدیات، ہاؤسنگ ٹاؤن پلاننگ، پبلک ہیلتھ انجینئرنگ و رورل ڈویلپمنٹ سندھ سعید غنی نے کہا کہ ضلع شرقی میں پبلک ہیلتھ انجینئرنگ کی کوئی اسکیم نہیں ہے اور اپوزیشن رکن نے کارساز بائی پاس اسکیم کی جو نشاندہی کی ہے، وہ اسکیم کراچی واٹر اینڈ سیوریج کارپوریشن کی ہے۔
انھوں نے کہا کہ پبلک ہیلتھ انجینئرنگ ڈپارٹمنٹ، کراچی واٹر اینڈ سیوریج کارپوریشن اور حیدرآباد میں واسا کے زیر انتظام علاقوں میں کام نہیں کرسکتا۔ انھوں نے کہا کہ پبلک ہیلتھ انجینئرنگ کے تحت پانی کی ڈسٹری بیوشن، لائننگ، انڈر گرؤنڈ ٹینک اور بجلی کی فراہمی کی اسکیمیں شامل ہوتی ہیں، کے فور منصوبے میں پبلک ہیلتھ انجینئرنگ کے رول کے سوال پر سعید غنی نے کہا کہ اس منصوبے میں کراچی واٹر اینڈ سیوریج کارپوریشن اور محکمہ آبپاشی کا کام ہے، اس میں پبلک ہیلتھ انجنئیرنگ کا کوئی کردار نہیں ہے۔
اسلام کوٹ میگا آر او پلانٹ پر بھی سعید غنی نے تفصیلی جواب دیا، اجلاس میں پیپلز پارٹی کے رکن غلام قادر چانڈیو نے ایم آر ڈی کے شہداکو خراج عقیدت پیش کرنے کی قرارداد پیش کی۔
انھوں نے کہا کہ ایم آر ڈی تحریک کے شہدا نے اپنی لازوال قربانیوں کے ذریعے ایک جرات و استقلال کی ایک تاریخ رقم کی ہے، قائم علی شاہ نے کہا کہ پیپلز پارٹی بہادروں اور شہیدوں کی جماعت ہے جس نے ہمیشہ جمہوریت کی سربلندی کے لیے کام کیا ہمارے بہادر کارکنوں نے نہ صرف پامردی سے کوڑے کھائے بلکہ تختہ دار پر چڑھتے ہوئے بھی جئے بھٹو کا نعرہ لگایا۔
آغا سراج درانی نے کہا میں اس قرارداد کی مکمل حمایت کرتا ہوں، قرارداد کی منظوری کے بعد سندھ اسمبلی کا اجلاس غیر معینہ مدت کے لیے ملتوی کردیا گیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔