- دوسرا ٹیسٹ؛ انگلش بورڈ کی پوسٹ نے مداحوں کو کیا پیغام دیا
- شکارپور میں پولیس و رینجرز کا مشترکہ آپریشن، بدنام زمانہ ڈکیت مارے گئے
- نثار کھوڑو کے گھر کے باہر کریکر دھماکا
- حفاظتی ضمانت؛ صنم جاوید، عالیہ حمزہ و دیگر کو گرفتار نہ کرنے کا حکم
- گومل یونیورسٹی ٹانک کیمپس کی گاڑی پر نامعلوم افراد کا حملہ
- ناسا نے مشتری کے چاند کی جانچ کیلئے مشن روانہ کردیا
- کالج طالبہ مبینہ زیادتی کیس؛ ترجمان پنجاب پولیس نے شہریوں سے مدد مانگ لی
- 26ویں آئینی ترمیم؛ قومی اسمبلی اجلاس 18اکتوبر کو بلائے جانے کا امکان
- دوسرا ٹیسٹ؛ پاکستان کے ابتدائی 3 کھلاڑی پویلین لوٹ گئے
- الٹا چور کوتوال کو ڈانٹے؛ بھارت نے کینیڈا کے سفارتکاروں کو ملک بدر کردیا
- پاکستان کی علاقائی سالمیت و خودمختاری کی حمایت جاری رکھیں گے، چینی وزیراعظم
- پختونخوا میں سینیٹ الیکشن مخصوص نشستوں کی وجہ سے نہیں ہورہے، الیکشن کمیشن
- وزن کم کرنے والی ادویات کیا خودکشی کا رجحان پیدا کرتی ہیں؟
- عمرے کی آڑ میں گداگری میں ملوث 2 مسافر خواتین کراچی ایئرپورٹ سے گرفتار
- "سابق کرکٹر بابراعظم کو ٹیسٹ سیریز سے باہر کرنے پر ناراض"
- طالبات کے ساتھ ہراسگی کا معاملہ، لاہور میں آج بھی طلبہ کا احتجاج
- سیاسی جماعتوں میں مشاورت کے بعد آئینی مسودے کو سامنے لایا جائے گا؟ پشاور ہائیکورٹ
- آئی پی پیز نے نہیں، ہم نے معیشت تباہ کی، وعدہ خلافی ہوگی تو انویسٹر کیسے آئے گا؟ شاہد خاقان
- پی ٹی آئی کارکنوں کو ہراساں کرنے سے روکنے کی درخواست نمٹا دی گئی
- ہمارا ایجنڈا صرف پاکستان ہے اور ہم اس کی کامیابی چاہتے ہیں، آرمی چیف
انسانی اسمگلنگ جیسے منظم جرائم سے نمٹنے کیلیے پُرعزم ہیں، ڈی جی ایف آئی اے
ڈی جی ایف آئی اے احمد اسحاق جہانگیر کا کہنا ہے کہ قانون سازی اور اصلاحات کا مقصد منی لانڈرنگ اور دہشت گردوں کی مالی معاونت کا مقابلہ کرنا ہے۔
بین الاقوامی منظم جرائم کے خلاف اقوام متحدہ کے کنونشن (UNTOC) کے لیے کانفرنس آف پارٹیز (COP) کے 12 ویں اجلاس سے خطاب کرتے ہوئے ڈی جی ایف آئی اے نے کہا کہ بین الاقوامی منظم جرائم کی وجہ سے درپیش چیلنجوں سے نمٹنے کے لیے پاکستان پر عزم ہے اور ایسے جرائم کی بنیادی وجوہات کو حل کرنے کے لیے ایک جامع نقطہ نظر کی ضرورت ہے۔
ڈی جی ایف آئی اے نے کہا کہ معاشی تفاوت، علاقائی تنازعات اور مواقع کی کمی مجرمانہ سرگرمیوں میں ملوث عناصر کے لیے ذرخیز زمین پیدا کرتی ہے اس لیے جامع اور پائیدار ترقی ضروری ہے۔
انہوں نے کہا کہ منی لانڈرنگ، انسانی اسمگلنگ اور سائبر کرائم جیسے منظم جرائم سے نمٹنے میں ترقی پذیر ممالک کی صلاحیتوں کو مضبوط کرنے کی ضرورت ہے۔
ڈی جی ایف آئی اے نے منظم جرائم کی مختلف اقسام بالخصوص انسانی اسمگلنگ اور تارکین وطن کی اسمگلنگ سے نمٹنے کے لیے پاکستان کی جاری کوششوں پر بھی زور دیا جبکہ بدعنوانی اور غیر قانونی مالیاتی بہاؤ کے اہم مسئلے پر ڈی جی ایف آئی اے نے پاکستان کی قانون سازی کی اصلاحات کو اجاگر کیا۔
انہوں نے کہا کہ عالمی برادری ترقی پذیر ممالک کو چوری شدہ اثاثوں کی واپسی کو تیز بنائے تاکہ ان وسائل کو سماجی و اقتصادی ترقی کے لیے استعمال کیا جا سکے۔ یو این ٹی او سی کے مقاصد کے حصول کے لیے ایک متحد عالمی کوشش ضروری ہے۔
ڈی جی ایف آئی اے نے منظم جرائم کی وجہ سے درپیش کثیر جہتی چیلنجوں کا مقابلہ کرنے کے لیے عالمی برادری کے ساتھ مل کر کام کرنے کے لیے پاکستان کے غیر متزلزل عزم کا اعادہ کیا۔
کانفرنس آف پارٹیز میں پاکستان کی نمائندگی ڈی جی ایف آئی اے، ڈی جی اینٹی منی لانڈرنگ اتھارٹی اور یو این کے لیے پاکستان کے مستقل مندوب کر رہے ہیں۔ یو این ٹی او سی بین الاقوامی منظم جرائم کے خلاف جنگ میں ایک اہم بین الاقوامی ادارہ ہے جس کی کانفرنس آف دی پارٹیز (COP) ہر دو سال بعد منعقد ہوتی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔