- اداروں پرالزام لگانے والے پی ٹی آئی عہدیداروں، تجزیہ نگاروں کا منہ قوم کے سامنے کالا ہوا، فیصل واوڈا
- ایران نے اچانک اپنے تمام ایئرپورٹس پر پروازیں منسوخ کردیں
- گنڈاپور غیرذمہ دار شخص ہے، بتانا ہوگا یہ ڈراما کیوں رچایا، وفاقی وزیراطلاعات
- ویمنز ٹی 20 ورلڈ کپ: ویسٹ انڈیز کی اسکاٹ لینڈ کو 6 وکٹوں سے شکست
- پولیس نے چھاپہ مارا تو تب گنڈا پور نکل گئے تھے، وزیرداخلہ
- 24 گھنٹوں سے غائب وزیراعلیٰ علی امین اچانک خیبرپختونخوا اسمبلی پہنچ گئے
- پی ٹی آئی کے احتجاج میں سرکاری وسائل کے استعمال کی تحقیقات کیلئے کمیٹی تشکیل
- کراچی میں جماعت اسلامی کا الاقصیٰ ملین مارچ، اہل غزہ و لبنان سے اظہار یکجہتی
- ننکانہ صاحب؛ زمین کے تنازع پر فائرنگ، دو افراد قتل تین زخمی
- پاکستانی طلبا نے ہوا کی نمی سے پینے کا پانی نکالنے والی مشین تیار کرلی
- کراچی: کار نے موٹرسائیکل سوار فیملی کو کچل دیا، باپ جاں بحق، بیٹی اور اہلیہ زخمی
- خیبرپختونخوا اسمبلی کا ہنگامی اجلاس، وزیراعلیٰ گنڈاپور کی گمشدگی کی قرارداد منظور
- حماس حملے کا سال مکمل؛ اسرائیل میں نیتن یاہو حکومت کیخلاف مظاہرے
- صدرمملکت کی لیفٹننٹ کرنل محمد علی شہید کے گھر آمد، ‘قوم اپنے شہدا کو فراموش نہیں کرے گی’
- لاہور میں خواتین اور بچوں کا اہل غزہ سے اظہار یکجہتی
- غزہ پر اسرائیلی حملوں کا سال مکمل؛ دنیا بھر میں فلسطینیوں کے حق میں مظاہرے
- پنجاب میں مہمان پرندوں کا غیرقانونی شکارعروج پرپہنچ گیا،31 شکاری گرفتار
- منی پور میں نسلی فسادات؛ مودی سرکاری کی آشیرباد کے ثبوت مل گئے
- مشرق وسطیٰ پر حکومت کی آل پارٹیز کانفرنس کل ایوان صدر میں ہوگی
- ڈونلڈ ٹرمپ اور جوبائیڈن کے ایک دوسرے پر تنقید کے وار
نبی کریمﷺ کی زندگی ہر لمحہ خدمتِ انسانیت کا عملی نمونہ ہے، صدر مملکت
اسلام آباد: صدر مملکت آصف علی زرداری نے کہا ہے کہ نبی کریمؐ کی زندگی ہر لمحے میں انسانیت کی خدمت کا عملی نمونہ ہے، صدر مملکت
جشن میلاد النبیﷺ کے موقع پر قوم کے نام اپنے پیغام میں صدر زرداری نے کہا کہ پوری قوم کو 12 ربیع الاول کے پرمسرت موقع پر مبارکباد پیش کرتا ہوں۔ اللہ تعالیٰ نے اس مہینے میں ہمیں خاتم النبیین حضرت محمدﷺ کی ولادت کی صورت میں عظیم نعمت عطا فرمائی۔ آپﷺ رہتی دنیا تک انسانیت کے لیے ہدایت کا سرچشمہ ہیں۔
انہوں نے کہا کہ یہ دن ہر مسلمان کے دل میں عشقِ رسولﷺ کی شمع روشن کرتا ہے۔ اللہ تعالیٰ نے رسول اللہﷺ کی زندگی کو ہمارے لیے بہترین نمونہ قرار دیا۔ آپؐ کی سیرتِ طیبہ ہمیں ہر شعبۂ زندگی میں رہنمائی فراہم کرتی ہے۔ آپﷺ نے عدل و انصاف پر مبنی معاشرہ قائم کیا۔
صدر مملکت نے اپنے پیغام میں کہا کہ موجودہ چیلنجز کا مقابلہ کرنے کے لیے بحیثیت ِقوم اور امت ِمسلمہ حضورﷺ کے اسوۂ حسنہ کو اپنی زندگی کا حصہ بنانا ہے۔ رسول اللہﷺ نے ارشاد فرمایا کہ بہترین انسان وہ ہے جو دوسروں کو نفع پہنچائے۔ ہمیں نبی اکرمﷺ کے انسانیت سے محبت اور ہمدردی کے پیغام کو عام کرنے کی ضرورت ہے۔
آصف زرداری نے کہا کہ اللہ کے نبی صلی اللہ علیہ وسلم نے ہمیشہ دوسروں کی مدد اور نصرت کا درس دیا۔ آپؐ کی زندگی ہر لمحے میں انسانیت کی خدمت کا عملی نمونہ ہے۔ نبی کریمﷺ نے ہمیں سکھایا کہ ظلم کے خلاف آواز اٹھانا اور مظلوم کی مدد کرنا ایمان کا حصہ ہے۔ آج دنیا تقسیم اور ظلم و زیادتی کا شکار ہے۔ ہمیں نبی اکرمﷺ کے پیغام کو پھیلانا ہے جو محبت، رواداری اور انسانی حقوق کا ضامن ہے۔
انہوں نے کہا کہ حضورﷺ نے ہر انسان کے ساتھ احترام اور عزت کا سلوک کیا۔ ہمیں دنیا بھر میں بھائی چارے، عدل اور محبت کو فروغ دینا ہے۔ آئیے! اس مبارک دن کو انسانیت کی فلاح و بہبود کے لیے وقف کریں۔ نبی اکرمﷺ کی تعلیمات کو اپنے عمل کا حصہ بنائیں۔ اللہ تعالی پاکستان کو امن، ترقی اور خوشحالی کی راہ پر گامزن رکھے۔ اللہ تعالیٰ ہمیں نبی کریمﷺ کی سیرت ِطیبہ پر عمل پیرا ہونے کی توفیق عطا فرمائے۔
خاتم النبیینؐ کے اعلیٰ ترین اعمال ہمارے لیے بہترین نمونہ ہیں، محسن نقوی
وفاقی وزیر داخلہ محسن نقوی نے جشن میلادالنبیؐ کے پرمسرت موقع پرپوری قوم اور امت مسلمہ کو مبارکباد دی ہے۔ انہوں نے اپنے پیغام میں کہا کہ اللہ تعالیٰ نے اس خصوصی دن پر ہمیں اپنے محبوب کی صورت میں ایک عظیم الشان نعمت عطا کی۔ خاتم النبیین حضرت محمدﷺ کے اعلیٰ ترین اعمال ہمارے لیے بہترین نمونہ ہیں۔
محسن نقوی نے کہا کہ حضور پاکﷺ کی تعلیمات پر عمل پیرا ہونے میں تمام مسلمانوں کی کامیابی پنہاں ہے۔ محسن انسانیت حضرت محمدﷺ پوری کائنات کے لیے رحمت بن کر تشریف لائے۔ آپ ؐ کی آمد سے دنیا کی تاریکیوں کو نور ملا اور بے سہارا کو آسرا ۔
انہوں نے کہا کہ جشن میلاد النبی ؐ کا تقاضا ہے کہ ہم اپنی انفرادی اور اجتماعی زندگی نبی پاکؐ کی تعلیمات کے مطابق گزاریں۔ اللّٰہ تعالیٰ ہمیں اپنے محبوبﷺ کی کامل اتباع واطاعت نصیب فرمائے اور ملک کو امن کا گہوارہ بنائے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔