- بھارتی فوج کی گولہ بارود بنانے والی آرڈیننس فیکٹری میں دھماکا؛ ہلاکتیں
- عمران خان سے ملاقات نہ کرانے پر توہینِ عدالت کی درخواست دائر
- راولپنڈی میں نوجوان کی تشدد زدہ لاش برآمد
- بختاور بھٹو زرداری نے اپنے تیسرے بیٹے کا نام رکھ دیا
- کیا مردوں کو بھی بریسٹ کینسر ہوتا ہے؟
- کابینہ اجلاس میں 8نکاتی ایجنڈے کی منظوری، حج پالیسی پھر مؤخر
- پاکستان میں قانونی و سیاسی معاملات میں فساد کی سی کیفیت رہی، عظمی بخاری
- نومبر کے وسط سے ڈینگی کیسز میں کمی کا امکان
- امریکا کی پاکستان اور ایران کو ڈرونز، ہتھیاروں کی تیاری میں مدد پر 26 کمپنیوں پر پابندیاں
- راولپنڈی ٹیسٹ؛ انگلینڈ نے پلئینگ الیون کا اعلان کردیا
- کراچی؛ بہنوئی کے قتل کے ملزم کی تھانے میں مبینہ خودکشی
- علیمہ اور عظمیٰ خان کے خلاف دہشت گردی کیس کا ریکارڈ فوری طلب
- عدالتوں کی مہربانی سے جعلی ایم این ایز بیٹھے ہوئے ہیں، ہمارے لوگوں کی تعداد کم کی گئی، شیرافضل
- کامیابی کا تعلق تعلیمی ڈگری سے نہیں، ایلون مسک
- آئینی ترمیم کو نہیں مانتے احتجاجاً پورے ملک کو بلاک کردیں گے، وزیراعلیٰ کے پی
- سینیٹ اجلاس آج شام ہوگا، 4 نکاتی ایجنڈا جاری
- دورہ آسٹریلیا اور زمبابوے؛ اسکواڈز کا اعلان ایک ساتھ کیے جانے کا امکان
- سعودی عرب میں پہلی بار زیر سمندر شادی کی تقریب
- سندھ؛ صنعتوں میں کام کرنیوالے محنت کشوں کی اجرت میں اضافہ
- بی این پی مینگل کے منحرف سینیٹر قاسم رونجھو سینیٹ رکنیت سے مستعفی
26ویں آئینی ترمیم سیاسی و معاشی استحکام میں سنگ میل ہے، وزیراعظم
اسلام آباد: وزیراعظم شہباز شریف کا کہنا ہے کہ 26ویں آئینی ترمیم سیاسی و معاشی استحکام میں سنگ میل ہے اور ملکی ترقی و خوشحالی کا باعث بنے گی۔
وفاقی کابینہ اجلاس میں اظہار خیال کرتے ہوئے وزیراعظم نے کہا کہ 26ویں آئینی ترمیم کی منظوری پر مبارکباد پیش کرتا ہوں، ترمیم میں صدر مملکت، بلاول بھٹو اور نواز شریف کا بھرپور تعاون رہا جبکہ مولانا فضل الرحمان کا شکریہ ادا کرتا ہوں۔
وزیراعظم نے کہا کہ 26ویں آئینی ترمیم پر حکومت میں شامل اتحادیوں کے ساتھ مشاورت ہوئی، یہ ترمیم سیاسی رہنماؤں کے درمیان مشاورت کی عکاس ہے۔ آئینی ترمیم 2006 میں طے پانے والے میثاق جمہوریت کی تکمیل ہے۔
انہوں نے مزید کہا کہ جوڈیشل بینچ کے قیام سے عام آدمی کو سہولت ملے گی اور کئی سالوں سے التوا کا شکار کیسز حل ہوں گے۔
وزیراعظم نے کہا کہ ایس سی او کانفرنس کے حوالے سے بھی اتحادی جماعتوں کا شکریہ ادا کرنا چاہتا ہوں جنہوں نے بھرپور معاونت کی اور پاکستان میں ہونے والی ایس سی او کانفرنس کو کامیاب کروایا۔
وزیراعظم نے کہا کہ 11 سال بعد چینی وزیراعظم کا دورہ کامیاب تھا جو پاکستان اور چین کی دوستی کو مضبوط کرے گا۔
معاشی استحکام سے متعلق وزیراعظم نے کہا کہ حکومت کی کوششوں سے مہنگائی کی شرح 6.9 فیصد پر آ چکی ہے جبکہ پالیسی ریٹ میں بھی کمی آ چکی ہے اور مزید کمی کا امکان ہے۔
اسرائیلی جارحیت سے متعلق وزیراعظم نے کہا کہ غزہ میں اسرائیلی مظالم جاری ہیں جس میں بے گناہ مسلمانوں کا خون بہایا جا رہا ہے، پاکستان غزہ اور لبنانی بہن بھائیوں کے لیے امدادی سامان کی ترسیل کو یقینی بنا رہا ہے۔ قوم سے گزارش ہے کہ امدادی سامان کی ترسیل حکومت کا ساتھ دے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔