- سیکیورٹی فورسز کی خیبرپختونخوا میں دو کارروائیاں، 9 دہشت گرد ہلاک
- ماڑی پیٹرولیم کا سندھ میں گیس کے نئے ذخائر کی دریافت کا اعلان
- انڈر21 ایشن اسنوکر چیمپئن شپ، پاکستانی کھلاڑیوں نے فائنل میں جگہ پکی کرلی
- کراچی؛ باپ پر تشدد کرنے والا ناخلف بیٹا گرفتار، مقدمہ درج
- بدترین لوڈشیڈنگ سے تنگ شہری لیاقت آباد میں کے الیکٹرک کے دفتر پر ٹوٹ پڑے
- ٹرمپ کو مجرمانہ مقدمات میں محدود استشنیٰ حاصل ہے، امریکی سپریم کورٹ
- کراچی میں بجلی کے بِلوں نے شہریوں کی چیخیں نکال دیں
- الحمدللہ ملک معاشی طور پر درست سمت میں گامزن ہے، وزیراعظم
- مشکل وقت میں راہیں جدا کرنے والے پارٹی کیلیےقابلِ قبول نہیں، پی ٹی آئی
- پنجاب کی 41 ملز کو 96 ہزار میٹرک ٹن شوگر ایکسپورٹ کرنے کی اجازت
- راولپنڈی بم دھماکہ کیس میں 2 مجرمان کو تین، تین مرتبہ سزائے موت
- بھاری معاوضہ لے کر شہریوں غیرقانونی طریقے سے اٹلی بھیجنے والا انسانی اسمگلر گرفتار
- کراچی میں ہیٹ اسٹروک سے مزید 4 جاں بحق، مجموعی تعداد 49 ہوگئی
- بھارت؛ مودی سرکار میں مسلمانوں کے لیے عرصۂ حیات تنگ
- پشاور: سینئر وکیل کو قتل کرنے کے جرم میں بھتیجے کو سزائے موت
- بھارت میں اقلیتوں کے ساتھ ناروا سلوک اور ہراسانی کے واقعات افسوسناک ہیں؛ امریکا
- فرانس الیکشن؛ اپوزیشن کا ’لینڈ سلائیڈ وکٹری‘ کا دعویٰ
- حکومت کا بجلی چوری روکنے اوروصولیوں کیلیے عملے کو انعامات دینے کا فیصلہ
- برطانوی انتخابات؛ 14 سال سے حکمراں جماعت کیلیے خطرے کی گھنٹی بج گئی
- تربت میں گھر پر حملہ اور دھماکے میں خاتون اور بچی سمیت 3 افراد جاں بحق
پاک-سویڈن سیاسی مشاورت، اقتصادی تعاون پر مبنی وسیع البنیاد تعلقات استوار کرنے پر اتفاق
![پاکستان اور سویڈن سفارتی تعلقات کی 75 ویں سالگرہ منا رہے ہیں—فوٹو بشکریہ اے پی پی](https://c.express.pk/2024/06/2657623-image-1719414217-839-640x480.jpg)
پاکستان اور سویڈن سفارتی تعلقات کی 75 ویں سالگرہ منا رہے ہیں—فوٹو بشکریہ اے پی پی
اسلام آباد: پاکستان اور سویڈن کے حکام نے دو طرفہ سیاسی مشاورت کے اہم اجلاس میں دونوں ممالک کے درمیان تجارت، سرمایہ کاری، تعلیم اور اقتصادی تعاون پر مبنی وسیع البنیاد تعلقات قائم کرنے پر اتفاق کیا گیا۔
ترجمان دفتر خارجہ کی جانب سے جاری بیان کے مطابق پاکستان اور سویڈن کے سفارتی تعلقات کی 75ویں سالگرہ کے موقع پر دونوں ممالک کے درمیان دوطرفہ سیاسی مشاورت کا 18واں دور ہوا جہاں ایڈیشنل سیکریٹری خارجہ شفقت علی خان اور سویڈن کے ڈائریکٹر جنرل ڈیگ جوہلن ڈینفیلٹ کی سربراہی میں وفود نے دو طرفہ تعاون کے تمام پہلوؤں کا جائزہ لیا۔
ترجمان دفترخارجہ نے بتایا کہ اس ملاقات میں سیاسی تعلقات، تجارت اور سرمایہ کاری، تعلیم اور عوام سے عوام کے روابط پر بات چیت ہوئی اور فریقین نے دو طرفہ تعلقات کی رفتار پر اطمینان کا اظہار کیا۔
ان کا کہنا تھا کہ دونوں فریقین نے دوطرفہ تعاون مضبوط بنانے اور مضبوط اقتصادی تعاون پر مبنی وسیع البنیاد تعلقات استوار کرنے پر بھی اتفاق کیا۔
اس موقع پر سویڈش وفد نے پاکستانی وفد کو سویڈن میں بین المذاہب ہم آہنگی کے فروغ کے لیے کیے گئے اقدامات سے بھی آگاہ کیا۔
سیاسی مشاوت کے دوران اہم علاقائی اور عالمی پیش رفت بھی زیر بحث آئی اور دونوں فریقین نے اقوام متحدہ اور یورپی یونین سمیت کثیرالجہتی فورمز پر باہمی دلچسپی کے تمام امور پر ہم آہنگی پر اتفاق کیا۔
ترجمان دفترخارجہ نے بیان میں کہا کہ ڈائریکٹر جنرل ڈیگ نے سیکریٹری خارجہ سے بھی ملاقات کی اور پاک-سویڈن دوطرفہ تعلقات مضبوط بنانے پر تبادلہ خیال کیا۔
خیال رہے کہ پاکستان اور سویڈن سفارتی تعلقات کے قیام کی 75ویں سالگرہ منا رہے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔