- امریکا: بچوں کا ویکسینشن پروگرام اہداف حاصل کرنے میں ناکام
- غیرملکی ائیرلائنز کو اندرون ملک اضافی پروازوں کی اجازت سے پی آئی اے کا بزنس متاثرہوا، جی ایم
- غار سے بچائے گئے 188 سالہ شخص کی ویڈیو وائرل، اصل حقیقت کچھ اور
- شنگھائی تعاون تنظیم میں شرکت کیلیے بھارتی وزیر خارجہ پاکستان کا دورہ کریں گے
- اسرائیلی وزیراعظم نے میرے باتھ روم میں جاسوسی آلات لگائے تھے، بورس جانسن
- کم وقت میں اسٹرا سے جوس پینے کا نیا عالمی ریکارڈ قائم
- سابق صدر عارف علوی کا کلینک سیل کرنے کیخلاف درخواست فوری سماعت کیلیے منظور
- ملائیشین وزیراعظم کی حافظ نعیم سے ملاقات، اسرائیلی جارحیت کیخلاف احتجاج پر اتفاق
- انڈے کو بغیر توڑے بلند ترین اونچائی سے گرانے کا نیا عالمی ریکارڈ
- 5 ہزار ٹپ نہ دینے پر نرس کی سفاکانہ غفلت؛ نومولود ہلاک
- ماہرین نے کافی اور تیز کولڈرنکس پینے کے نقصانات سے خبردار کردیا
- گوگل سرچ انجن میں نئے اے آئی فیچرز شامل
- داتا دربار سے اغوا لڑکی بازیاب؛ خاتون اغوا کار گرفتار
- کراچی؛ میٹرک سائنس گروپ کے امتحانی نتائج کا اعلان آج شام ہوگا
- ملائیشیاء کے وزیراعظم دورۂ پاکستان مکمل کرکے واپس روانہ
- ڈیانا بیگ سری لنکا کیخلاف محض 1 بال کرواکر کیوں باہر ہوگئیں تھی؟
- 31 سال بعد سنہرے اُلو کا چھوٹا مجسمہ دریافت
- پی ٹی آئی احتجاج میں شریک مسلح شخص کی ویڈیو سامنے آگئی
- 5 اکتوبر سے بالائی علاقوں میں بارش کا امکان
- کیا پی ٹی آئی شنگھائی تعاون تنظیم کو بھی سبوتاژ کرنا چاہتی ہے؟ شیری رحمان
کراچی؛ مختلف حادثات و واقعات میں نوجوان اور بچے سمیت 7 افراد جاں بحق
کراچی: شہر میں مختلف حادثات اور واقعات میں نوجوان و بچے سمیت 7 افراد جاں بحق ہو گئے۔
سپر ہائی وے جمالی پل سے نیو سبزی منڈی جاتے ہوئے ٹریفک حادثے میں نوجوان جاں بحق ہوگیا، جس کی لاش ایدھی کے رضا کاروں نے ضابطے کی کارروائی کے لیے عباسی شہید اسپتال پہنچائی۔ ریسکیو حکام کا کہنا ہے کہ متوفی کی شناخت 25 سالہ احسان کے نام سے کی گئی جو موٹر سائیکل پر سوار تھا جب کہ حادثہ نامعلوم گاڑی کی ٹکر سے پیش آنے کا بتایا جا رہا ہے۔ پولیس تحقیقات کررہی ہے۔
سرجانی ٹاؤن کے علاقے کے ڈی اے فلیٹ کے قریب رہائشی عمارت سے گر کر کمسن بچہ جاں بحق ہوگیا، جس کی لاش چھیپا کے رضا کاروں نے عباسی شہید اسپتال پہنچائی ۔ریسکیو حکام کے مطابق متوفی کی شناخت 3 سالہ ریحان کے نام سے کی گئی جو کہ عمارت کی چوتھی منزل سے گرا تھا، پولیس اہلخانہ سے مزید معلومات حاصل کر رہی ہے ۔
کورنگی سنگر چورنگی پیٹرول پمپ کے قریب ہوٹل میں کرنٹ لگنے سے ایک شخص جاں بحق ہوگیا، جس کی لاش چھیپا ایمبولینس کے ذریعے جناح اسپتال لائی گئی ۔ ریسکیو حکام کا کہنا ہے کہ متوفی کی شناخت 45 سالہ یوسف کے نام سے کی گئی۔ واقعہ ہوٹل میں پنکھے سے کرنٹ لگنے سے پیش آنے کا بتایا جا رہا ہے ۔
سائٹ سپر ہائی وے کے علاقے جنجال گوٹھ کے قریب سے ایک شخص کی تشدد زدہ لاش ملی جس کی اطلاع پر پولیس نے موقع پر پہنچ کر لاش ایدھی کے رضا کاروں کی مدد سے عباسی شہید اسپتال پہنچائی ۔ پولیس کے مطابق فوری طور پر مقتول کی شناخت نہیں ہو سکی۔ شبہ ہے کہ اسے کلہاڑی کے وار سے قتل کیا گیا ہے تاہم پولیس مزید تحقیقات کر رہی ہے ۔
کینٹ اسٹیشن شاہین ہوٹل کے قریب عمارت کے فلیٹ سے ایک شخص کی گلے میں پھندا لگی ہوئی لاش ملی جسے ضابطے کی کارروائی کے لیے جناح اسپتال لے جایا گیا۔ چھیپا حکام کے مطابق متوفی کی شناخت 45 سالہ عمران کے نام سے کی گئی جب کہ ابتدائی طور پر اہلخانہ واقعہ گلے میں پھندا لگا کر خودکشی کا بتا رہے ہیں ۔
کورنگی اور ایم ٹی خان روڈ پر دو مختلف ٹریفک حادثات میں 2 افراد جاں بحق ہوگئے ۔ عوامی کالونی کے علاقے کورنگی نمبر 3 گراؤنڈ کے قریب ٹریلر کی ٹکر سے موٹرسائیکل سوار ایک شخص جاں بحق ہوگیا ، جس کی لاش ایدھی ایمبولینس کے ذریعے جناح اسپتال منتقل کی گئی ۔پولیس کے مطابق جاں بحق ہونے والے شخص کی شناخت 25 سالہ محمد سنی ولد محمد شہاب کے نام سے کی گئی ۔متوفی کورنگی کا رہائشی تھا ، حادثے کا ذمے دار ڈرائیور موقع سے ٹریلر سمیت فرار ہونے میں کامیاب ہوگیا ۔
اُدھر ڈاکس کے علاقے مولوی تمیز الدین خان روڈ بحریہ اسکول کے قریب ڈمپر کی ٹکر سے 25 سالہ راہگیر جاں بحق ہوگیا ۔متوفی کی لاش ایدھی ایمبولینس کے ذریعے سول اسپتال منتقل کی گئی ۔پولیس کے مطابق جاں بحق ہونے والے شخص کے پاس سے ایسی کوئی چیز نہیں ملی جس سے اس کی فوری طور پر شناخت کی جا سکے ، پولیس نے ضابطے کی کارروائی کے بعد لاش سردخانے منتقل کر دی ۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔