ملتان سلطانز نے پشاور زلمی کو شکست دیدی

ملتان سلطان کی جانب سے سہیل تنویر نے 3 اور محمد عرفان نے 2 وکٹیں حاصل کیں۔

ویب ڈیسک March 06, 2018

صہیب مقصود نے 42 گیندوں پر 85 رنز کی جارحانہ اننگز کھیلی۔ فوٹو: سوشل میڈیا

پاکستان سپر لیگ تھری میں ملتان سلطانز نے پشاور زلمی کو 19 رنز سے شکست دے دی۔

شارجہ میں کھیلے گئے پاکستان سپر لیگ تھری کے میچ میں ملتان سلطان نے صہیب مقصود کی جارحانہ اننگز کی بدولت مقررہ 20 اوورز میں 3 وکٹوں کے نقصان پر 183 رنز بنائے جس کے جوب میں پشاور زلمی مقررہ اوورز میں 8 وکٹوں کے نقصان پر 164 رنز بنائے۔

پشاور زلمی کی جانب سے کامران اکمل اور اینڈرے فلیچر نے اننگز کا آغاز کیا اور دوسرے ہی اوور میں فیچر نے محمد عرفان کو پی ایس ایل تھری کا سب سے بلند چھکا رسید کیا لیکن اگلے ہی اوور میں سہیل تنویر نے انہیں 11 رنز پر پویلین واپس بھیج دیا۔

SIX! 1.4 Mohammad Irfan to Andre Fletcher
Watch ball by ball highlights at https://t.co/8Vdixdfurv #PZvMS #HBLPSL #PSL2018 @_cricingif pic.twitter.com/jUxjWTPJth
— PakistanSuperLeague (@thePSLt20) March 6, 2018

کامران اکمل اور ڈیوان اسمتھ بھی خاطر خواہ کارکردگی نہ دکھاسکے، کامران اکمل 9 رنز بناکر محمد عرفان کا شکار بنے جب کہ اسمتھ 18 رنز بنانے کے بعد پولارڈ کی گیند پر آؤٹ ہوئے۔

OUT! 13.4 Mohammad Irfan to Wessels
Watch ball by ball highlights at https://t.co/8Vdixdfurv #PZvMS #HBLPSL #PSL2018 @_cricingif pic.twitter.com/psclMzsW0o
— PakistanSuperLeague (@thePSLt20) March 6, 2018

کپتان محمد حفیظ نے رکی ویسل کے ساتھ چوتھی وکٹ کے لیے 49 رنز کی شراکت قائم کی لیکن اس دوران ویسل محمد عرفان کی گیند پر کٹ شارٹ کھیلتے ہوئے احمد شہزاد کو کیچ دے بیٹھے، وہ 22 رنز بناکر آؤٹ ہوئے جس کے بعد لیام ڈیسن نے بھی عمدہ کھیل کا مظاہرہ کرتے ہوئے 17 گیندوں پر 32 رنز کی جارحانہ اننگز کھیلی۔

SIX! 13.2 Mohammad Irfan to Mohammad Hafeez
Watch ball by ball highlights at https://t.co/8Vdixdfurv #PZvMS #HBLPSL #PSL2018 @_cricingif pic.twitter.com/HGXbwTaV1i
— PakistanSuperLeague (@thePSLt20) March 6, 2018

پشاور زلمی کو 2 اوورز میں 32 رنز درکار تھے لیام سہیل تنویر کو چھکا مارنے کے چکر میں باؤنڈری پر کیچ دے بیٹھے جب کہ اگلی ہی گیند پر حماد اعظم بھی بغیر کوئی رنز بنائے پویلین واپس لوٹ گئے۔ دوسری جانب محمد حفیظ تمام تر کوششوں کے باوجود ٹیم کو فتح دلوانے میں ناکام رہے اور ایک گیند قبل 56 رنز کی شاندار اننگز کھیل کر آؤٹ ہوگئے۔

اس سے قبل پشاور زلمی کے کپتان محمد حفیظ نے ٹاس جیت کر ملتان سلطانز کو پہلے بیٹنگ کی دعوت دی، ملتان کی جانب سے کمارا سنگاکارا اور احمد شہزاد نے اننگز کا آغاز کیا اور ٹیم کو 51 رنز کا عمدہ آغاز فراہم کیا، اس دوران سنگاکارا نے شاندار چھکے بھی لگائے وہ 28 رنز بناکر آؤٹ ہوئے۔

SIX! 3.2 Hasan Ali to Kumar Sangakkara
Watch ball by ball highlights at https://t.co/8Vdixdfurv #PZvMS #HBLPSL #PSL2018 @_cricingif pic.twitter.com/N0BQg52FAN
— PakistanSuperLeague (@thePSLt20) March 6, 2018

احمد شہزاد اور صہیب مقصود نے دوسری وکٹ کے لیے 56 رنز کی عمدہ شراکت داری قائم کی جس میں صہیب مقصود بلندوبانگ چھکے بھی شامل تھے جب کہ احمد شہزاد بھی انہیں بھرپور سپورٹ کرتے رہے مگر وہ 37 رنز بناکر آؤٹ ہوئے جس کے بعد شعیب ملک بیٹنگ کے لیے لیکن ان کی اننگز صرف 13 رنز تک ہی محدود رہی۔

50 comes up for Sohaib Maqsood
SIX! 16.2 Umaid Asif to Sohaib Maqsood
Watch ball by ball highlights at https://t.co/8Vdixdfurv #PZvMS #HBLPSL #PSL2018 @_cricingif pic.twitter.com/9Y77vg9SXV
— PakistanSuperLeague (@thePSLt20) March 6, 2018

صہیب مقصود آج جارحانہ موڈ میں دکھائی دیے، انہیں گیند کو بار بار باؤنڈری لائن پار کروانے سے پشاور زلمی کا کوئی بھی بولر روک نہیں پایا بلکہ انہوں نے ہر ایک کی خوب درگت بنائی اور 42 گیندوں پر 86 رنز کی ناقابل شکست اننگز کھیلی جس میں 7 چھکے اور 4 چوکے بھی شامل تھے۔ صہیب مقصود نے پی ایس ایل تھری میں کسی ایک میچ میں سب سے زیادہ اسکور بنانے کا اعزاز بھی اپنے نام کیا۔

SIX! 18.2 Sameen Gul to Sohaib Maqsood
Watch ball by ball highlights at https://t.co/8Vdixdfurv #PZvMS #HBLPSL #PSL2018 @_cricingif pic.twitter.com/8MmV1X9EvY
— PakistanSuperLeague (@thePSLt20) March 6, 2018

ملتان سلطان 9 پوائنٹس کے ساتھ پی ایس ایل تھری کے پوائںٹس ٹیبل پر سرفہرست آگئی۔

It is the rematch of the #HBLPSL 2018 opening game. Who is going to win this time?#MSvPZ #HBLPSL #DilSeJaanLagaDe pic.twitter.com/Jx17lj88kQ
— PakistanSuperLeague (@thePSLt20) March 6, 2018