شاہد آفریدی بھی شاہین آفریدی کے گرویدہ ہوگئے

شاہین آفریدی نے صرف 4 رنز دیکر 5 وکٹیں حاصل کیں ۔

ویب ڈیسک March 09, 2018

شاہین آفریدی نے صرف 4 رنز دیکر 5 وکٹیں حاصل کیں ۔ فوٹو: سوشل میڈیا

پاکستان سپر لیگ میں شاہین آفریدی کی تباہ کن بولنگ نے بوم بوم آفریدی کو بھی ان کی تعریف کرنے پر مجبور کردیا۔

پاکستان سپر لیگ کے تیسرے ایڈیشن کا میلہ یو اے ای میں جاری ہے، جہاں ماضی میں اس لیگ نے قومی ٹیم کو عماد وسیم، حسن علی، بابر اعظم، فخرزمان اور محمد نواز جیسے اسٹار فراہم کیے وہی تیسرے ایڈیشن میں بھی آغا سلمان، ابتسام شیخ، عمید آصف اور شاہین آفریدی جیسے ابھرتے ہوئے ستارے منظر عام پر آرہے ہیں۔

OUT! 15.4 Shaheen Afridi to Ross Whiteley
Watch ball by ball highlights at https://t.co/zr4lRaWRAW #MSvLQ #HBLPSL #PSL2018 @_cricingif pic.twitter.com/vTTrVga20N
— PakistanSuperLeague (@thePSLt20) March 9, 2018

پی ایس ایل تھری کے بیسویں میچ میں لاہور قلندرز کے شاہین آفریدی نے ملتان سلطانز کے خلاف تباہ کن بولنگ کرتے ہوئے نہ صرف لاہور قلندرز کو پہلی کامیابی دلوائی بلکہ 4 اوورز میں صرف 4 رنز دے کر 5 وکٹیں حاصل کرنے کا کارنامہ بھی انجام دیا جو ایونٹ میں اب تک کی بہترین بولنگ ہے جب کہ انھیں شاندار کارکردگی پر مین آف دی میچ سے بھی نوازا گیا۔

Shabash Shaheen Shah Afridi... Champion in the making, finally some smiles for @lahoreqalandars fans, really happy for them
— Shahid Afridi (@SAfridiOfficial) March 9, 2018

شاہین آفریدی کی زبردست بولنگ پر بوم بوم آفریدی بھی ان کی تعریف کیے بنا نہ رہ سکے، ایک ٹوئٹ میں کراچی کنگز کی نمائندگی کرنے والے آفریدی نے شاہین کو شاباشی دیتے ہوئے کہا کہ ایک اور چیمپئن تیار ہورہا ہے، آخرکار لاہور قلندرز کے مداحوں کو کچھ خوشیاں نصیب ہوئیں۔

Shaheen soars high 🦅!
A great spell for @lahoreqalandars #MSvLQ #DilSeJaanLagaDe pic.twitter.com/fkgM9QTbU9
— PakistanSuperLeague (@thePSLt20) March 9, 2018