اداکارہ میرا کی فلم ’’باجی‘‘ کا پہلا پوسٹر جاری

فلم’’باجی‘‘عید الفطر کے موقع پر سینما گھروں کی زینت بنے گی۔

ویب ڈیسک March 07, 2019

فلم کی کہانی 70 اور80 کی دہائی کی پاکستانی فلم انڈسٹری اور آج کے ماڈرن سینما کے گرد گھومتی ہے۔ فوٹوسوشل میڈیا

نامور پاکستانی اداکارہ میرا کی فلم ''باجی'' کا پہلا پوسٹر جاری کردیا گیا پوسٹر میں میرا گولڈن گرل بنی نہایت خوبصورت لگ رہی ہیں۔

اسکینڈل کوئن اداکارہ میرا طویل عرصے بعد فلم ''باجی'' کے ذریعے بڑی اسکرین پر واپسی کررہی ہیں، فلم کا پہلا پوسٹر جاری کیا گیا ہے جس میں اداکارہ میرا اور ماڈل آمنہ الیاس جلوے بکھیرتی نظر آرہی ہیں۔ اداکارہ میرا نے فلم کا پوسٹر اپنے سوشل میڈیا اکاؤنٹ پر شیئر کراتے ہوئے لکھا ''ہر خواب کی ایک قیمت ہوتی ہے۔''

Every Dream Has A Price... #ARYFilms & #Page33Films present
The first exclusive look of the much awaited movie *BAAJI* @baajithefilm
starring @meerajeeofficial @aamnailyas @aclockworkobi @mohsinabbashaider & @thealikazmi

A film by Saqib Malik. @saqibmalik33 pic.twitter.com/WQFNVLjGqG
— Meera (@TheMeeraJee) March 6, 2019

فلم ''باجی'' کے مصنف عرفان احمد عرفی نے اداکارہ میرا کے کردار سے متعلق بات کرتے ہوئے کہا کہ اس فلم میں میرا کا کردار ان کے کیریئر کا اب تک کا بہترین کردار ہے۔ فلم کی کہانی 70 اور80 کی دہائی کی پاکستانی فلم انڈسٹری اور آج کے ماڈرن سینما کے گرد گھومتی ہے۔

ہدایت کار ثاقب ملک کی فلم ''باجی'' میں اداکارہ میرا اور آمنہ الیاس کے علاوہ اداکار عثمان خالد بٹ، محسن عباس حیدر، علی کاظمی، نشو بیگم اور نیر اعجاز اداکاری کے جوہر دکھاتے نظر آئیں گے۔ فلم ''باجی'' عید الفطر کے موقع پر سینما گھروں کی زینت بنے گی۔