زمین سے محبت دنیا بھر کی طرح پاکستان میں بھی ارتھ آور منایا گیا

ارتھ آور ایک عالمی تحریک ہے جس کا آغاز 2009 سے ہوا تھا۔

نعیم اصغر March 31, 2019

ارتھ آور ایک عالمی تحریک ہے جس کا آغاز 2009 سے ہوا تھا۔ فوٹو: فائل

پاکستان سمیت دنیا بھر میں ہفتہ کو زمین سے محبت کے اظہار کیلیے ارتھ آور منایا گیا۔

اس سال ارتھ آور منانے کی تھیم کنیکٹ ٹو ارتھ(زمین سے رابطہ) رکھی گئی۔ ارتھ آور ایک عالمی تحریک ہے جس کا آغاز 2009 سے ہوا تھا۔ اس تحریک کے تحت لوگ ہرسال مارچ کے آخر میں مقامی وقت کے حساب سے رات 8:30 بجے سے 9:30 تک گھر دفاتر اور تمام دیگر مقامات کے لائٹ بند کر کے موم بتی ،ٹارچ یا موبائل فونز کی روشنی کا استعمال کرتے ہیں۔

ارتھ آور کے موقع پر پارلیمنٹ ہاوس کے سامنے ایک تقریب ہوئی، اس دوران ایک گھنٹے کیلیے تمام غیر ضروری لائٹس بجھادی گئیں، چیئرمین سینیٹ صادق سنجرانی نے اپنے خصوصی پیغام میں عوام سے ارتھ آور کی زیاد ہ سے زیادہ سپورٹ کی اپیل کی۔