علی ظفر کے مداحوں اورطالب علموں کو مفید مشورے

طالب علموں اورمداحوں نے ٹوئٹر پر علی ظفر سے ’’دباؤ‘‘ سے بچنے کا مشورہ مانگا

ویب ڈیسک April 08, 2019

پریشر صرف پریشر کوُکر میں ہوتا ہے اسے زندگی میں آنے نہ دیا جائے، علی ظفرکا طالب علم کو مشورہ

معروف گلوکار و اداکار علی ظفر نے طالب علموں کو امتحانات کے دباؤ سے بچنے کا گر بتا دیا۔

علی ظفر کے مداح پاکستان سمیت دنیا بھر میں موجود ہیں، وہ اپنے مداحوں سے قریب رہتے ہیں اور اُن کے سوالات کے جوابات دینے کے لیے سوشل میڈیا پر ہمہ وقت موجود رہتے ہیں۔ انہوں نے ان دنوں امتحانات دینے والے طالب علموں کو امتحان کے دباؤ سے بچنے کا نسخہ بھی بتا دیا ہے۔

Pressure sirf cooker ko lena chaheye.Aap exam deign :) https://t.co/XXKx8vRZqX
— Ali Zafar (@AliZafarsays) April 8, 2019

ٹوئٹر پر علی ظفر کے مداح نے اُن سے سوال پوچھا کہ مشورہ دیا جائے کہ امتحانات کے دباؤ (پریشر) سے کس طرح بچا جائے ؟ جس پر علی ظفر نے مداح کے پوچھے گئے سوال پر فوری جواب دیتے ہوئے کہا کہ پریشر صرف کوکر کو لینا چاہیے آپ صرف امتحان دیں۔

Focus on the positive. Don’t let anything or anyone demotivate or dishearten you. https://t.co/5hNpXtnfnw
— Ali Zafar (@AliZafarsays) April 7, 2019

رز نامی ایک مداح نے علی ظفر سے یہ بھی پوچھا کہ آپ کس طرح اپنی زندگی میں پرجوش رہتے ہیں کیوں کہ میں زندگی میں مشکل حالات سے گزر رہی ہوں اس لیے کیا آپ کے کچھ الفاظ میری مدد کرسکتے ہیں ؟

علی ظفر نے پریشان مداح کو جواب دیا کہ اپنی تمام تر توجہ مثبت پہلو پر مرکوز رکھیں اور ایسی کسی چیز کو اس بات کی اجازت نہ دیں کہ وہ آپ کا حوصلہ کم کردے اور آپ کو دکھ دے۔