میرا کا فلم ’’مائے پرے ہٹ لو اسٹوری‘‘ میں چھوٹی سی انٹری پر بڑا دعویٰ

کبھی چھوٹے کرداروں پر بھی پرائیڈ آف پرفارمنس ایوارڈ مل جاتا ہے، میرا

ویب ڈیسک April 09, 2019

کبھی چھوٹے کرداروں پر بھی پرائیڈ آف پرفارمنس ایوارڈ مل جاتا ہے، میرا (فوٹو: فائل)

RAWALPINDI: اداکارہ میرا کا کہنا ہے کہ آنے والی فلم 'مائے پرے ہٹ لو' میں شامل ایک گیت میں میری انٹری کو لوگ 50 سال تک یاد رکھیں گے۔

میرا نے 'مائے پرے ہٹ لو' میں اپنی مختصراً انٹری کے حوالے سے ایک ویب سائٹ کو دیئے گئے انٹرویو میں کہا کہ 'میں اس فلم میں مایا علی اور شہریار منور کے ساتھ ایک ڈانس نمبر میں نظر آؤں گی کیوں کہ اکثر چھوٹے کردار بڑے ہو جاتے ہیں، کبھی چھوٹے کرداروں پر بھی پرائیڈ آف پرفارمنس ایوارڈ مل جاتا ہے، کبھی ایک گانے پر بھی فلمیں کامیاب ہو جاتی ہیں، کبھی ایک گانے سے سپر اسٹار بھی بن جاتے ہیں'۔

میرا نے یہ بھی کہا کہ ' اس فلم میں شامل شادی کا ایک گانا ہے جس میں میرے ساتھ شہریار اور مایا بھی ہیں، اس گانے میں میری پرفارمنس اور انٹری ہمیشہ میرا کو زندہ رکھے گا اور لوگ مجھے اس گانے کی وجہ سے 50 سال تک بھی نہیں بھول پائیں گے'۔

یہ پڑھیں: اداکارہ میرا کی فلم ''باجی'' کا پہلا پوسٹر جاری

واضح رہے کہ عاصم رضا کی ہدایت کاری میں بننے والی فلم 'مائے پرے ہٹ لو' میں شہریار منور اور مایا علی مرکزی کردار ادا کر رہے ہیں۔ فلم رواں سال ہی عید الاضحیٰ پر سنیما گھروں کی زینت بنے گی۔