کنگنا کی بہن نے ورون اورتاپسی کے بعد دپیکا کو بھی نہ بخشا

کنگنا کی بہن نے دپیکا کی ڈپریشن سے متعلق بنائی گئی ویڈیو کو باراتیوں کا ناچ قرار دے دیا۔

---

بالی ووڈ کی معروف اداکارہ کنگنا رناوت کی بہن رنگولی چاندیل نے اداکارہ دپیکا پڈوکون کی ڈپریشن سے متعلق بنائی گئی ویڈیو کو باراتیوں کا ناچ قرار دے دیا۔

بالی ووڈ کی صف اول کی اداکارہ دپیکا پڈوکون کی ' The Live Love Laugh Foundation ' کے نام سے تنظیم ہے جوکہ ذہنی امراض پر کام کرتی ہے اور ان بیماری کا شکار ہونے والے مریضوں کی رہنمائی کرتی ہے تاہم اس تنظیم کی جانب سے سماجی رابطے کی ویب سائٹ ٹویٹر پر ایک مختصر سی ویڈیو شیئر کی گئی جس میں دپیکا پڈوکون ایک خاتون کا ہاتھ تھامے خوشی کا اظہار کر رہی ہیں۔

The first time @deepikapadukone spoke publicly about her experience with depression was on national television. The video has hit 1 Million views on our YouTube channel!
Watch the video here: https://t.co/ds4SDUmLve@counselloranna @ndtv #MentalHealthMatters #BreakTheStigma pic.twitter.com/Pw0fL1xxdz

— TLLLFoundation (@TLLLFoundation) July 3, 2019

ویڈیو کے ساتھ یہ بھی بتایا گیا کہ دپیکا پڈوکون نے قومی چینل پرعوام کے سامنے ڈپریشن سے متعلق اپنا تجربہ شیئر کیا تھا اور اداکارہ کی اس ویڈیو کو یو ٹیوب پر 10 لاکھ سے زائد بار دیکھا جا چکا ہے تاہم تنظیم کی جانب سے جاری کردہ یہ ویڈیو کنگنا کی بہن کو پسند نہ آئی اور انہوں نے تلخ لہجے میں برہمی کا اظہار کر ڈالا۔

https://twitter.com/Rangoli_A/status/1147024880681938944

رنگولی چاندیل نے تنقید کرتے ہوئے ٹویٹ کیا کہ یہ کیا ہو رہا ہے یہ ڈپریشن ہوتا ہے ؟ یہ وہ لوگ ہیں جنہیں لفظ 'مینٹل' سے مسٔلہ تھا مگر یہی لوگ ڈپریشن کی ویڈیو میں باراتیوں کی طرح ناچ رہے ہیں، ڈپریشن کے نام پر شہرت حاصل کرنے کا یہ کیا گھٹیا اور واہیات طریقہ ہے۔

یہ پڑھیں: کنگنا کی 'سستی کاپی' قراردئیے جانے پرتاپسی پنوں کا جواب

واضح رہے کہ کنگنا رناوت پہلے ہی فلم انڈسٹری میں جھگڑالو پن کی وجہ سے اپنی مثال آپ ہیں لیکن اُن کی بہن رنگولی بھی کسی جنگجو سے کم نہیں، وہ آئے دن کسی نہ کسی بہانے بالی ووڈ اداکاروں کو تنقید کا نشانہ بناتی نظر آتی ہیں، وہ اب تک ادتتیا پنچولی، ورون دھون اور تاپسی پنو پر تنقید کے تیر برسا چکی ہیں۔