رومانین موسیقار کی آصف غفور کو لیفٹیننٹ جنرل کے عہدے پر ترقی کی مبارکباد

آصف غفور کے ساتھ ایک بار پھر زبردست سی چائے ساتھ پینے کے لیے بیتاب ہوں، رومانین موسیقار

ویب ڈیسک November 26, 2020

آصف غفور کے ساتھ ایک بار پھر زبردست سی چائے ساتھ پینے کے لیے بیتاب ہوں، رومانین موسیقار۔ فوٹو : ٹوئٹر

رومانین بینڈ ایکسینٹ کے موسیقار ایڈریئن سینا نے سابق ڈی جی آئی ایس پی آر آصف غفور کو لیفٹیننٹ جنرل کے عہدے پر ترقی کی مبارکباد دی ہے۔

سماجی رابطے کی سائٹ ٹوئٹر پر رومانین بینڈ ایکسینٹ کے موسیقار ایڈریئن سینا نے سابق ڈی جی آئی ایس پی آر آصف غفور کو لیفٹیننٹ جنرل کے عہدے پر ترقی کی مبارکباد دیتے ہوئے کہا کہ ایک بار پھر آپ کے ساتھ چائے پینے کے لیے بیتاب ہوں۔

Congratulations to you my friend for being promoted to the rank of Lieutenant General @peaceforchange I can't wait to have the Fantastic cup of tea again. #AsifGhafoor #ISPR #Akcent pic.twitter.com/gQWMPk0Ca7
— Akcent (@akcentofficial) November 25, 2020

واضح رہے کہ گزشتہ روز پاک فوج کے 6 میجر جنرلز کو لیفٹیننٹ جنرل کے عہدوں پر ترقی دی گئی تھی جن میں سابق ڈی جی آئی ایس پی آر آصف غفور بھی شامل ہیں، لیفٹیننٹ جنرل آصف غفور کو انسپکٹرجنرل کمیونیکیشن اینڈ انفارمیشن ٹیکنالوجی مقرر کیا گیا ہے۔

اس خبر کو بھی پڑھیں : رومانین موسیقار کو بھی پاکستانی چائے بھاگئی

گزشتہ سال رومانیہ کے میوزک بینڈ ایکسینٹ سے تعلق رکھنے والے موسیقار ایڈریئن سینا نے اس وقت کے ترجمان پاک فوج میجر جنرل آصف غفور کے ساتھ چائے پینے کی خواہش کا اظہار کیا تھا جس کے جواب میں ڈی جی آئی ایس پی آر نے انہیں چائے کے لیے مدعو کیا، ملاقات کے بعد ایڈریئن سینا نے خوشی کا اظہار کرتے ہوئے کہا کہ انہیں رومیانیہ سے پاکستان آنے اور میجر جنرل آصف غفور کے ساتھ ملاقات کرنے کا موقع ملا۔