خیبرٹیچنگ اسپتال واقعہ انکوائری رپورٹ میں مجرمانہ انتظامی غفلت کا انکشاف

اسپتال میں ایک ہزارکیوبک آکسیجن کا پلانٹ ہے لیکن کوئی بیک اپ نہیں، رپورٹ میں انکشاف

ویب ڈیسک December 07, 2020

آکسیجن کے متبادل کے طورپرپرائمری اورسیکنڈری بندوبست ضروری ہے، رپورٹ: فوٹو: فائل

KARACHI: خیبرٹیچنگ اسپتال واقعہ میں تحقیقاتی کمیٹی نے ابتدائی انکوائری رپورٹ مکمل کرلی جس میں مجرمانہ انتظامی غفلت کا انکشاف کیا گیا ہے۔

ایکسپریس نیوزکے مطابق پشاورمیں خیبرٹیچنگ اسپتال واقعہ میں تحقیقاتی کمیٹی نے ابتدائی انکوائری رپورٹ تیارکرلی۔ رپورٹ میں اسپتال ڈائریکٹرطاہرندیم سمیت 7 افراد ذمہ دارقراردیئے گئے ہیں جنہیں فوری طورپرمعطل کردیا گیا ہے۔

انکوائری کمیٹی میں انکشاف کیا گیا ہے کہ اسپتال میں ایک ہزارکیوبک آکسیجن کا پلانٹ ہے لیکن کوئی بیک اپ نہیں، اسپتال میں آکسیجن کے متبادل کے طورپرپرائمری اورسیکنڈری بندوبست ضروری ہے، آکسیجن سپلائی کرنے والی کمپنی کےساتھ معاہدہ ختم ہوچکا ہے، نئے معاہدے سے متعلق کوئی دستاویزات نہیں۔

ابتدائی انکوائری رپورٹ کے مطابق سپلائی منیجر کے مطابق کمپنی کے ساتھ ٹیلی فون پرمعاہدے میں 30 جون 2020 تک توسیع ہوئی۔ واقعے کے وقت اسپتال میں 90 مریض آئیسولیشن وارڈ میں زیرعلاج تھے۔

معطل افسران میں فلیسٹی منیجرطاہرشہزاد، منیجرسپلائی علی وقاص اوربائیومیڈیکل انجینئر بلال بابک، آکسیجن پلانٹ کے اسسٹنٹ نعمت، اکسیجن پلانٹ کی ڈیوٹی پرمعمورملازمین وحید اورشہزاد اکبربھی معطل کردیئے گئے ہیں۔