خاتون سمیت 5 ملزمان کے قبضے سے 2 کروڑروپے کی منشیات برآمد

منشیات رکشے اورٹرک کےخفیہ خانوں میں چھپا کر شہر کےمختلف علاقوں میں سپلائی ہورہی تھی

Staff Reporter July 13, 2021

منشیات رکشے اورٹرک کےخفیہ خانوں میں چھپا کر شہر کےمختلف علاقوں میں سپلائی ہورہی تھی

KARACHI: ضلع ملیرپولیس نےمنشیات کی سپلائی کی بڑی کوشش ناکام بناتے ہوئے خاتون سمیت 5 ملزموں کو گرفتار کر کے ان کے قبضے سے 2 کروڑروپے مالیت کی منشیات برآمد کرلی۔

اسٹیل ٹاؤن پولیس نے خفیہ اطلاع پر ٹول پلازہ کے قریب لنک روڈ پرکارروائی کرتےہوئےرکشہ نمبرڈی 10613 اورمزدا ٹرک ٹی کے یو546 پر چھاپہ مارکر24 کلو495 گرام چرس،3کلو 775 گرام آئس،3 کلو 195 گرام ہیروئن اور1 کلو40 گرام کرسٹل برآمد کرلی۔

پولیس کے مطابق برآمد کی جانے والی منشیات کی مالیت2 کروڑروپے سے زائد ہے ، ملزمان منشیات رکشے اورٹرک کےخفیہ خانوں میں چھپا کر شہر کےمختلف علاقوں میں سپلائی کے لیےجارہے تھے ۔ کارروائی کے دوران خاتون شیریں بی بی زوجہ محمد طاہراور4 ملزمان حمید اللہ ولد خاصہ در،محمد اختر ولد گل محمد ،سید فاروق شاہ ولد عقیق شاہ اوربشیرولد محمد شریف شامل ہیں۔

پولیس کے مطابق گرفتارملزمان نے دوران تفتیش حاجی نعمت نامی شخص کی منشیات سپلائی کرنے کا انکشاف کیا ہے جبکہ مزید تفتیش کی جا رہی ہے ۔