’’آریان خان کے پاس سے منشیات برآمد نہیں ہوئی‘‘

آریان کی ضمانت کی درخواست پر سماعت 13 اکتوبر کو سیشن کورٹ میں ہوگی

ویب ڈیسک October 12, 2021

این سی بی نے آریان کے پاس سے کوئی منشیات برآمد نہیں کی، وکیل فوٹوفائل

آریان خان کے وکیل ستیش مان شیندے نے کہا ہے کہ آریان کے پاس سے کوئی منشیات برآمد نہیں ہوئی وہ بے گناہ ہیں۔

بھارتی میڈیا کے مطابق آریان خان کے وکیل ستیش مان شیندے نے اس بات کی تصدیق کی ہے کہ آریان کی ضمانت کی درخواست پر سماعت 13 اکتوبر کو سیشن کورٹ میں ہوگی۔

آریان خان کی ضمانت کی درخواست میں 29 بنیادیں درج کی گئی ہیں جو ان کے بے گناہ ہونے اور انہیں موجودہ کیس میں جھوٹے مقدمے میں ملوث کرنےسے شروع ہوتی ہیں۔

یہ بھی پڑھیں: آریان خان کو گرفتار کرنیوالے آفیسر کا پولیس پر جاسوسی کا الزام

رپورٹس کے مطابق ستیش مان شیندے نے عدالت میں پہلے دن سے دلیل دی ہے کہ این سی بی کے عہدیداروں کو آریان کے پاس سے کوئی منشیات نہیں ملی۔ لہذا نارکوٹک ڈرگز اینڈ سائیکو ٹروپک سبسٹنس (این ڈی پی ایس) کی دفعہ 37 کے تحت ضمانت پر پابندی کا حوالہ دیتے ہوئے این سی بی کی ضمانت نہ دینے کی درخواست آریان پر لاگو نہیں ہوتی۔ خاص طور پر اس صورت میں جب اس کے پاس سے منشیات برآمد نہیں ہوئی۔

یہ بھی پڑھیں: شاہ رخ خان کے بیٹے آریان کو 20 سال تک کی سزا ہوسکتی ہے

دوسری جانب آریان کی گرفتاری کے اس مشکل وقت میں جب شاہ رخ خان اور ان کی اہلیہ گوری کی نیندیں اڑ گئی ہیں۔ کنگ خان کے چاہنے والے ان کے اور ان کے گھر والوں کے ساتھ اظہار یکجہتی کررہے ہیں۔

یہ بھی پڑھیں: شاہ رخ خان کا بیٹا آریان خان منشیات کیس میں گرفتار

واضح رہے کہ نارکوٹکس کنٹرول بیورو نے 2 اکتوبر کو ممبئی سے گووا جانے والے ایک بحری جہاز پر چھاپہ مارکر منشیات برآمد کی تھی۔ اس جہاز پر شاہ رخ خان کے بیٹے آریان خان بھی موجود تھے جنہیں پوچھ تاچھ کے بعد چھاپے کے اگلے روز یعنی 3 اکتوبر کو گرفتار کیا گیاتھا۔ آریان خان کی ضمانت مسترد ہوچکی ہے اور وہ تاحال این سی بی کی تحویل میں ہیں۔