عوام سے فراڈ کے معاملات نیب اختیار میں واپس لانے کا فیصلہ

آرڈیننس اسمبلی اجلاس ختم ہونے کے بعد جاری ہوگا،احتساب عدالت کو زر ضمانت کے تعین کا اختیار دینے کا بھی فیصلہ

ثاقب ورک October 17, 2021

نئے نیب ترمیمی آرڈیننس میں گواہان کے بیانات کی وڈیو ریکارڈنگ اور آن لائن بیانات پر بھی وضاحت کی جائے گی،ذرائع۔ فوٹو: فائل

وفاقی حکومت نے نیب ترمیمی آرڈیننس میں مزید ترامیم کا فیصلہ کیا ہے جب کہ نیا نیب ترمیمی آرڈیننس رواں ماہ ہی جاری کیے جانے کا امکان ہے۔

ذرائع کا کہنا ہے کہ عوام کیساتھ وسیع پیمانے پر دھوکہ دہی اور فراڈ نیب کے دائرہ اختیار میں واپس لائے جائیں گے، احتساب عدالت کو زر ضمانت کے تعین کا اختیار دینے کا بھی فیصلہ کیا گیا ہے، موجودہ آرڈیننس میں ملزم پر جتنی کرپشن کا الزام ہے زر ضمانت اتنا ہی رکھا گیا ہے، اس کے علاوہ گواہان کے بیانات کی ویڈیو ریکارڈنگ اور آن لائن بیانات پر بھی وضاحت ہوگی۔

حالیہ آرڈیننس سے تاثر مل رہا ہے کہ بیانات صرف ویڈیو لنک پر ہی ریکارڈ ہو سکتے ہیں، نیا نیب ترمیمی آرڈیننس قومی اسمبلی کا حالیہ اجلاس ختم ہونے کے بعد جاری ہوگا۔