سابق آسٹریلوی لیگ اسپنر شین وارن موٹرسائیکل چلاتے ہوئے حادثہ کا شکار

کافی چوٹیں آئی ہیں اور درد بھی بہت محسوس کررہا ہوں،شین وارن

Sports Reporter November 29, 2021

کافی چوٹیں آئی ہیں اور درد بھی بہت محسوس کررہا ہوں،شین وارن۔ فوٹو : فائل

ISLAMABAD: سابق آسٹریلوی لیگ اسپنر شین وارن موٹرسائیکل سے گر کرزخمی ہوگئے۔

آسٹریلوی میڈیا کےمطابق سڈنی میں شین وارن اپنا پاؤں اور کولہا چیک کروانے کے لیے موٹرسائیکل پر ڈاکٹر کے پاس جارہے تھے کہ اس دوران موٹرسائیکل سلپ ہوگئی، اور وہ 15 منٹ تک سلائیڈ کرتے رہے۔ حادثے کے وقت شین وارن کا بیٹا بھی ان کے ساتھ تھا جو زخمی ہوگیا تاہم دونوں کو اسپتال منتقل کردیا گیا ہے جہاں انہیں طبی امداد فراہم کی جارہی ہے۔

سابق آسٹریلوی لیگ اسپنر شین وارن کا کہنا ہے کہ مجھے کافی چوٹیں آئی ہیں اور درد بھی بہت محسوس کررہا ہوں، مجھے ڈر ہے کہ کہیں میری ٹانگ کی ہڈی نہ ٹوٹ گئی ہو، سابق لیجنڈری بولر نجی اسپتال میں زیر علاج ہیں جہاں ان کی اور بیٹے کی حالت خطرے سے باہر ہے۔